८७८६८

पुण्यात ७, ८ फेब्रुवारीला
‘मिसळ उत्सव सीझन-२’
स्टॉल बुकिंग सुरू ः खवय्ये पुणेकरांसाठी आयोजन
पुणे, ता. १९ : कोल्हापूरचा झणझणीत तांबडा रस्सा, नाशिकचा काळा मसाला वा अहिल्यानगरची गावरान चव... अशा राज्याच्या कानाकोपऱ्यातील अस्सल मिसळींची लज्जत आता पुन्हा एकदा एकाच छताखाली चाखायला मिळणार आहे. खवय्ये पुणेकरांसाठी ‘सकाळ माध्यम समूहा’च्या वतीने ‘मिसळ उत्सव सीझन-२’ चे दिमाखदार आयोजन करण्यात आले आहे. ७ आणि ८ फेब्रुवारी रोजी जंगली महाराज रस्त्यावरील ‘सेंट्रल पार्क’ येथे हा महोत्सव रंगणार आहे.
‘मिसळ’ हा केवळ खाद्यपदार्थ नसून, महाराष्ट्राच्या संस्कृतीचा अविभाज्य भाग आहे. मित्रमंडळींसोबत गप्पा मारताना असो किंवा भुकेच्या वेळी, अस्सल खवय्यांना मिसळीचाच आधार वाटतो. पहिल्या सिझनच्या अभूतपूर्व यशानंतर, यंदाचा दुसरा सीझन अधिक भव्य स्वरूपात होत आहे. या उत्सवात पुणेकरांना या उत्सवात पुण्याची चवदार मिसळ, मुंबईची ठसकेबाज मिसळ, कोल्हापूरची झणझणीत मिसळ तसेच अहिल्यानगरची गावरान मिसळ अशा विविध प्रांतांतील मिसळींचा संगम पाहायला मिळणार आहे. मिसळीची चव आणि बनवण्याची पद्धत प्रांतागणिक बदलत असल्याने, विविध पाककृतींचा अनुभव एकाच ठिकाणी घेण्याची ही अनोखी संधी ठरणार आहे. या महोत्सवात ‘कुतवळ फुड्स’ हे ‘ताक पार्टनर’ आहेत.

राज्यभरातील
हॉटेलचालकांना संधी
या उत्सवाच्या माध्यमातून राज्यभरातील हॉटेल चालक, मिसळ तज्ज्ञ आणि खाद्य व्यावसायिकांना आपली खास मिसळ पुणेकरांसमोर सादर करण्याची संधी उपलब्ध होणार आहे. त्यामुळे मिसळ स्टॉल लावण्यासाठी इच्छुक असलेल्या व्यावसायिकांनी खालील क्रमांकावर संपर्क साधावा.
स्टॉल बुकिंगसाठी संपर्क : रुतुज : ९८९०१५२२०५, रायभान : ७७२२००१०९७