कणकवली : विजयदुर्ग-कासार्डे मार्गावर दोन कारमध्ये आज दुपारी तीनच्या सुमारास दोन कार समोरासमोर धडकल्‍या. यात कारमधील चौघे प्रवासी जखमी झाले. दारूम गावच्या हद्दीत ही घटना घडली. येथील वळणाचा अंदाज न आल्‍याने हा अपघात झाल्‍याचे स्थानिकांकडून सांगण्यात आले.

मारुती ओमनी व्हॅन (MH-01–AH– 9346) ही कासार्डे ते विजयदुर्ग अशी प्रवास करत होती. तर विजयदुर्गहून अल्टो के टेन (MH-07-AB–4560) ही गाडी कासार्डेच्या दिशेने येत होती. दारूम येथे वळणाचा अंदाज न आल्‍याने या दोन्ही कार समोरासमोरासमोर धडकल्‍या.

या अपघातात ओमनी व्हॅन मधील चार प्रवासी जखमी झाले. निर्मला दीपक समजीसकर, दीपक यशवंत समजीसकर, माधुरी दयानंद मेस्त्री, प्रथमेश दयानंद मेस्त्री अशी जखमींची नावे आहेत. अपघातानंतर अपघातस्थळी एपीआय शेखर शिंदे, हवालदार वंजारे यांनी धाव घेतली होती.