साखरपा (रत्नागिरी) : साखरपा जवळच्या किरबेट येथील जंगलांमध्ये दोन जंगली रेडे मृत्युमुखी पडले . परस्पर झालेल्या झुंजीत हा मृत्यू झाल्याचा अंदाज व्यक्त करण्यात येत आहे. परिसरात मृत्यू झालेले गवेरेडे पाहण्यासाठी गर्दी झाली. ही माहिती मिळताच घटनेनंतर वनविभाग देवरुख, साखरपा, पशू वैद्यकीय अधिकारी हे घटनास्थळी दाखल झाले. या घटनेत दोन रेड्यांमध्ये झुंज होऊन त्यांचा मृत्यू झाला असावा, असे वन विभागाच्या सूत्रांकडून सांगण्यात आले.

प्राथमिक मिळालेल्या माहितीनुसार,

किरबेट गावातील जंगलात ग्रामस्थांना गवेरेडे मृतावस्थेत पडलेले दिसले. यावेळी ग्रामस्थांनी वनविभागास माहिती कळवली. वन विभागा कडून पंचनामा करण्याचे काम सुरू आहे. मृत्यु नेमका कसा झाला याची माहिती पंचनामानंतर मिळणार आहे.

बातमी अपडेट होत आहे.