हर्णे (रत्नागिरी) : ऐन दिवाळसणाच्या दिवशी हर्णे पाळंदे येथे दोन पर्यटकांचा बुडून मृत्यू झाला आहे. त्याने परिसरात प्रचंड हळहळ व्यक्त होत आहे. एक पर्यटकाचा मृतदेह लगेच सापडला तर दुसऱ्या पर्यटकाचा मृतदेह उशिरा सापडला.
आज सकाळी सकाळी ११ वाजण्याच्या सुमारास ही घटना घडली. परिसरातील ग्रामस्थांनी उर्रवरित इतरांना पाण्याबाहेर काढले. दरम्यान घटनास्थळी पोलीस दाखल झाले.
दिवाळीच्या निमित्ताने महाड येथील नवानगर सुतारआळी येथून गाडीचा चालक राकेश पवार (२२) रा. चांभारखिंड, दीपक नथुराम सुतार (१९), यश राकेश पवार (१७), प्रसन्नजित विदेश तांबे (१६), राहुल कान्हा पवार (१६), सोहम सकपाळ (१६), शिवम अनिल सोंडकर (१६), निखिल नंदकिशोर कोळंबेकर (१८) हे सर्व नवानगर सुतारआळी ८ पर्यटक सकाळी ११ वाजण्याच्या सुमारास पाळंदे किनाऱ्यावर फिरायला आले होते.
घडलेली घटना अशी, अमावस्या असल्यामुळे समुद्राला मोठी भरती होती. आठजणापैकी गाडीचा चालक हा किनाऱ्यावरच थांबला होता आणि उर्वरित सातजण पोहायला गेले होते. पाळंदे समुद्रकिनारा तसा धोकादायक नाही, परंतु समोरच एक खड्डा असल्याचे ग्रामस्थांकडून सांगण्यात आले. हे सातही जण त्याच खड्ड्यात पोहत होते त्यामळे जोराची लाट आली, आणि सातजण बुडाले. त्यावेळी किनाऱ्यावर उभे असलेल्या चालकाने आरडाओरड केल्याने ग्रामस्थ अक्षय टेमकर, निखिल बोरकर,प्रवीण तवसाळकर यांनी त्यांना वाचवण्यासाठी धाव घेतली. दोरीच्या साहाय्याने त्याला वाचवलं याचवेळी पाळंदेमधील अभिजित भोंगले, अनिकेत बोरकर, सुदेश तवसाळकर, मीतेश मोरे, प्रीतम तवसाळकर, अनिल आरेकर, जहुर सुर्वे, राजेंद्र तवसाळकर ग्रामस्थांनी यावेळी धाव घेऊन मदत केली. यापैकी त्यांना पाचजणांना वाचवण्यात यश आले.
हेही वाचा - चार गुंठे जागेसाठी महापालिका मोजणार आता 1 कोटी पेक्षा जास्त रक्कम -
दोन बेपत्ता असणाऱ्या पर्यटकांचा शोध सुरू केला. त्यावेळी दीपक पवार यांचा मृतदेह लगेचच वाहून आला. त्यानंतर खुप उशिरा बेपत्ता असलेल्या प्रसन्नजित तांबे याचा मृतदेह जवळपासच्या किनारीच मिळाला. गंभीर असणाऱ्या यशची प्रकृतीही स्थीर आहे. हे आठही जण महाविद्यालयीन वयाचे आहेत. दीपक सुतार हा वडिलांसोबत सुतारकाम करत होता. तर राकेश पवार हा ड्रायव्हर म्हणून खाजगी मालकाकडे काम करत होता. दिवाळीच्या सणात पर्यटकांचा मृत्यू झाल्याने या परिसरात नागरिक हळहळ व्यक्त करत आहेत.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.