गुहागर : आरेगाव (aaregaon) येथील दोन तरुण मंगळवारी (21) जूनला सायंकाळी मासे गरवायला बागेतील पाचमाड परिसरात (pachmad, guhagar) समुद्रावर गेले होते. परंतू दोघेही बुधवार सकाळपर्यंत घरी परतले नाहीत. त्यामुळे दोघेही समुद्रात बेपत्ता झाल्याची भीती व्यक्त होत आहे. या परिसरातील ग्रामस्थांसह आणि पोलिस (guhagar police) या दोन तरुणांचा शोध घेत आहेत. सिद्धांत संदेश साटले (वय 23) रहाणार आरे कलमवाडी आणि प्रतीक किसन नावले (वय 25) रहाणार आरे नागदेवाडी अशी या दोन तरुणांची नावे आहेत. (crimecase) घटनास्थळी पोलिस सहाय्यक निरिक्षक आनंदराव पवार यांनी शोधकार्य सुरु केले आहे. या घटनेने परिसरात हळहळ व्यक्त होत आहे.