चिपळूण - शिवसेना पक्षप्रमुख उद्धव ठाकरे यांनी भाजपवासी झालेल्या खासदार नारायण राणे यांचेवर केलेली टीका चिपळुणातील भाजप कार्यकर्त्यांना रूचलेली नाही. शहरातील मार्कंडी येथील भाजप कार्यालयात काही पदाधिकाऱ्यांनी एकत्र येत उद्धव ठाकरे यांचा निषेध केला. निवडणुकीच्या तोंडावर भाजप कार्यकर्त्यांनी ठाकरेंचा निषेध केल्याने युतीत ठिणगी पडण्याची शक्‍यता आहे. 

Vidhan Sabha 2019 : कोकणात मच्छीमारांची व्होटबॅंक कुठे झुकणार? 

मुख्यमंत्री देवेंद्र फडणवीस यांच्या उपस्थितीत राणे यांनी महाराष्ट्र स्वाभिमान पक्ष भाजपात विलीन केला होता. सिंधुदुर्ग जिल्ह्यातील सभेत शिवसेना कार्याध्यक्ष उद्धव ठाकरे यांनी नारायण राणेंवर जहरी टीका केली होती. दादागिरीचा प्रकार झाल्यास तोडून मोडून टाकण्याचाही इशारा दिला होता.

निलेश राणे यांच्या मोटारीची कणकवलीत झडती 

ठाकरेंनी राणेंवर केलेली टीका येथील भाजप कार्यकर्त्यांच्या जिव्हारी लागली. आज सकाळी भाजपचे साईनाथ कपडेकर, जगदिश वाघुळदे, अमीर बाचीम, इस्माईल मुकादम, श्री. परकार, आशिष जोगळेकर, श्रीराम शिंदे, संकल्प अव्हेरे यांच्यासह कार्यकर्त्यांनी ठाकरेंचा निषेध केला.  

बीएमसी चोर कोकणात आला अन् परत गेला; निलेश राणेंचा पुन्हा प्रहार