चिपळूण : चार वर्षांपासून सुरु असलेल्या मुंबई-गोवा महामार्गावरील (mumbai-goa highway) चिपळूण (chiplun)वाशिष्ठी पुलाचे(vashishthi bridge) काम आज अचानक बंद करण्यात आले आहे. नागरिकांच्या व स्थानिक प्रशासनाच्या दबावामुळे गणेशोत्सवापूर्वी पुलाची एक बाजू वाहतुकीसाठी खुली करून देण्यात आली होती , त्यामुळे वाहनचालकांना मोठा दिलासा मिळाला होता.

वाशिष्ठी पूल हा मुंबई - गोवा महामार्गाच्या वाहतुकीसाठी अत्यंत महत्त्वाचा मानला जातो , जर हा पूल बंद झाला तर महामार्गावरील अवजड वाहतूक पूर्णपणे बंद होते . वाशिष्ठी पुलाचे काम अचानक बंद करण्यात आले असून , तेथील काम करणारा कामगार वर्ग सुद्धा आपल्या गावाकडे परतीचा मार्ग स्वीकारला आहे. याबाबत संबंधित अधिकाऱ्यांकडे चौकशी केली असता त्यांच्याकडे सुद्धा काम का बंद करण्यात आले याचे उत्तर नव्हते , त्यामुळे नागरिकांमध्ये वाहन चालकांमध्ये संभ्रमाचे वातावरण निर्मण झाले आहे.

एक पूल पूर्ण झाला असून एका पुलाचे काम चालू होते ते बंद झाले असून हा पूल दिवाळीनंतर किंवा डिसेंबर महिनाअखेर वाहतुकीला खुला होणार होता मात्र या पुलाचे नक्की आता काय होणार , खरोखरच हा पूल चालू होणार की नाही , मुंबई-गोवा महामार्गाचे काम कधी पूर्ण होणार या सगळ्याच चिंता वाहनचालकांमध्ये प्रश्न निर्माण करत आहेत.