साटेली भेडशी (सिंधुदुर्ग) - कोनाळकट्टा येथील शुभम पोकळे (वय 26) या युवकाने बुधवारी (ता. 8) सायंकाळी राहत्या घरी गळफास लावून आत्महत्या केली. तो गोव्यात एका कंपनीत कार्यरत होता़ मात्र लॉकडाउनमुळे सध्या तो घरीच होता. त्याने आत्महत्या का केली? याचा तपास पोलिस करत आहेत.
शुभमचा क्रिकेट हा आवडता खेळ होता. शिवाय तो फुटबॉलही बऱ्यापैकी खेळायचा. क्रिकेटमधला अष्टपैलू खेळाडू म्हणून तो तालुक्यात परिचित होता. क्रिकेटसह अन्य क्षेत्रातील अनेकजण त्याचे मित्र होते. तो मित्रांच्या गोतावळ्यात कायम वावरणारा, मनमिळावू असल्याने त्याचा मित्रपरिवार मोठा होता. तो गोव्यातील पिळर्ण इंडस्ट्रियल इस्टेटमध्ये एका कंपनीत कामाला होता.
कोरोनाच्या पार्श्वभूमीवर लॉकडाउन झाल्याने त्याचे काम सध्या बंद होते. त्यामुळे तो घरीच होता. कोनाळकट्टा कॉलनीतील मैदानावर तो सायंकाळी साडेसहा वाजेपर्यंत फूटबॉल खेळत होता. त्यानंतर तो घरी गेला. आंघोळ केली आणि वरच्या मजल्यावरील खोलीत गेला. तिथेच त्याने गळफास लावून घेतला. बराच वेळ न आल्याने त्याला पाहण्यासाठी गेलेल्या आई-वडिलांनी त्याला त्या अवस्थेत पाहून हंबरडा फोडला. माता पित्याची तळमळ पाहून सारेच गहिवरले.
संपादन ः राहुल पाटील
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.