Jasprit Bumrah IPL : भारताचा वेगवान गोलंदाज जसप्रीत बुमराह हा भारतीय गोलंदाजीचा कणा आहे. मात्र गेल्या काही काळापासून तो पाठीच्या दुखापतीमुळे टीम इंडियापासून दूर आहे. मध्यंतरीच्या काळात तो फिट झाल्याचे जाहीर करण्यात आले होते. मात्र त्याने ऑस्ट्रेलियाविरूद्धच्या कसोटी मालिकेतील पहिल्या दोन कसोटीतून माघार घेतली. त्यानंतर आता तो उर्वरित दोन कसोटी आणि वनडे मालिकेसाठी देखील मुकला आहे.

दरम्यान, जसप्रीत बुमराह आता थेट आयपीएलमध्येच खेळताना दिसणार आहे. त्यामुळे त्याच्यावर प्रचंड टीका होत आहे. याबाबत माजी सलामीवीर आणि समालोचक आकाश चोप्राने देखील जसप्रीत बुमराहचा कान पिळला. तो म्हणाला की, आयपीएलचे 7 सामने न खेळल्यास जगबुडी होणार नाहीये. आयपीएल खेळणे हा एकमेवर उद्येश असू नये. तुम्ही पहिल्यांदा भारतासाठी आहात मग फ्रेंच्याजी क्रिकेटसाठी!

चोप्रा म्हणाला की, 'तुम्ही पहिल्यांदा भारतीय खेळाडू आहेत त्यानंतर तुम्ही फ्रेंचायजी क्रिकेट खेळू शकता. जर तुम्ही आयपीएलचे 7 सामने खेळले नाहीत तर आभाळ कोसळणार नाहीये. जर बुमराहला गोलंदाजी करताना थोडी जरी अडचण येत असेल तर त्याला बीसीसीआयने आयपीएल खेळण्यापासून रोखले पाहिजे.'

आकाश चोप्रा पुढे म्हणाला की, जर बुमराह फिट आहे तर त्याला इराणी ट्रॉफी किंवा काऊन्टी क्रिकेटमध्ये जाऊन खेळले पाहिजे. आयपीएल अजून एक महिना दूर आहे. आपल्याला हे देखील महिती नाही की तो सगळे सामने खेळले की नाही. वर्ल्ड टेस्ट चॅम्पियनशिप फायनल अजून तीन महिने लांबल आहे. त्यामुळे बुमराहबाबत जो काही निर्णय घेण्यात येईल तो विचारपूर्वक आणि संघाच्या हित लक्षात घेऊन घ्यावा.

(Sports Latest News)

हेही वाचा : ..ही काळजी घ्या नाहीतर खिसा होईल साफ!