Aakash Chopra India Squad Based On IPL 2022: भारतीय क्रिकेट संघाचा माजी खेळाडू आकाश चोप्राने त्यांच्या यूट्यूब चॅनलवरील एका व्हिडिओ शेअर केला आहे. ज्यामध्ये टी-20 विश्वचषक जर उद्या सुरु झाले तर अशा परिस्थितीची कल्पना करत भारतीय संघ निवडला आहे. आयपीएल 2022 नुकतंच संपलं आहे, त्याच्या आधारे त्याने भारतीय संघ निवडला आहे. त्यांच्या संघात कर्णधार रोहित शर्मा, माजी कर्णधार विराट कोहली आणि यष्टिरक्षक फलंदाज ऋषभ पंत या मोठ्या नावांना स्थान देण्यात आले नाही.

आयपीएल 2022 मध्ये भारताचा कर्णधार रोहित शर्मा, विराट कोहली आणि ऋषभ पंत यांना त्याच्या अपेक्षेप्रमाणे कामगिरी करता आली नाही. रोहितने 14 सामन्यात फक्त 19.14 च्या सरासरीने 268 धावा केल्या तर विराट कोहलीने 16 सामन्यात 341 धावा केल्या आणि ऋषभ पंतलाही काही खास करता आले नाही त्याने 14 सामन्यांत 30.91 च्या सरासरीने 340 धावा केल्या.

आकाश चोप्राने यूट्यूब चॅनलवरील एका व्हिडिओ सोडला आहे. व्हिडिओमध्ये आकाश चोप्रा म्हणाला, आपण फक्त असे कल्पना करू की, T20 विश्वचषक ऑक्टोबर-नोव्हेंबरपासून सुरू न होता उद्यापासून चालू होईल. अश्या वेळेस आयपीएलमधील कामगिरीच्या आधारावर आपण भारतीय संघ निवडत आहे. चोप्राने त्यांच्या यूट्यूब चॅनलवरील व्हिडिओमध्ये असे म्हटले आहे. या संघात विराट कोहली, रोहित शर्मा, ऋषभ पंत या मोठ्या दिग्गज खेळाडूची नावे नाहीत.

चोप्राने निवडलेले खेळाडूचा संघ - के.एल राहुल, ईशान किशन, राहुल त्रिपाठी, सूर्यकुमार यादव, हार्दिक पांड्या, दिनेश कार्तिक, युझवेंद्र चहल, मोहम्मद शमी, आवेश खान, कुणाल पांड्या, संजू सॅमसन, अर्शदीप सिंघ, दीपक हुड्डा, हर्षल पटेल आणि जसप्रीत बुमराह.