चित्तगांव - रहमत शाहने झळकाविलेल्या शतकाच्या जोरावर अफगाणिस्तान संघाने बांगलादेशविरुद्धच्या एकमात्र कसोटी सामन्यात पहिल्या दिवस अखेरीस 5 बाद 271 अशी मजल मारली. अफगाणिस्तानकडून कसोटी क्रिकेटमध्ये शतक झळकाविणारा रहमत शाह पहिला फलंदाज ठरला.
रहमत (102) आणि त्याने असगर अफगाणसह चौथ्या विकेटसाठी केलेल्या 120 धावांच्या भागीदारीमुळे बांगलादेशाच्या डावाने आकार घेतला. खेळ थांबला तेव्हा असघर 88, तर अफस झझाई 35 धावांवर खेळत होता. या दोघांनी सहाव्या विकेटसाठी 74 धावांची नाबाद भागीदारी केली.
नाणफेक जिंकून प्रथम फलंदाजी घेतल्यावर अफगाणिस्तानचा डाव एकवेळ उपाहाराला 3 बाद 77 असा अडचणीत आला होता. त्यानंतर रहमत आणि असघर यांच्या भागीदारीने अफगाणिस्तानचा डाव सावरला.
संक्षिप्त धावफलक - अफगाणिस्तान पहिला डाव 5 बाद 271 (रहमत शाह 102 -287 चेंडू, 10 चौकार, 2 षटकार, असघर अफगाण खेळत आहे 88, अफसर झझाई खेळत आहे 35, तईजुल इस्लाम 2-73, नईम हसन 2-43)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.