India Vs Pakistan World Cup 2023 : भारत - पाकिस्तान सामन्यासाठी जगातील सर्वात मोठं स्टेडियम नरेंद्र मोदी स्टेडियम हे सज्ज झालं आहे. जवळपास 13 हजार पोलीस या सामन्यासाठी बंदोबस्तात तैनात असणार आहेत. मात्र या पोलिसांसमोर सुरक्षेसोबतच गुडखा खाणाऱ्या लोकांची देखील मोठी समस्या असणार आहे.

गुजरात क्रिकेट असोसिएशनने क्रिकेट चाहत्यांनी पान मसाला आणि गुटखा घेऊन मैदानात येऊ नये अशी विनंती केली आहे. या गुडख्यामुळे बाथरूमच्या पाईप ब्लॉक होत आहेत. त्यामुळे बेसिनमध्ये पाणी साचण्याचे प्रमाण देखील वाढते. गुटख्यामुळे वातावरण दुषित होते.

गुजरात क्रिकेट असोसिएशनला गुटखा खाऊन थूंकलेली घाण साफ करण्यासाठी बराच पैसा खर्च करावा लागतो. राज्य सरकारने निकोटीन बेस गुटख्यावर गेल्या वर्षी बंदी घातली होती.

मात्र तरी देखील गुटखा शौकीनांसाठी तो कोणत्या ना कोणत्या मार्गाने उपलब्ध केलाच जातो आहे.

गुजरात क्रिकेट असोसिएशनच्या अधिकाऱ्यांनी इंडियन एक्सप्रेसला दिलेल्या मुलाखतीत म्हटले की, 'गुटखा थुंकून केलेली घाण साफ करण्यासाठी पैसा आणि वेळ देखील वाया जातो. अनेवेळा सिंक ब्लॉक झाल्याच्या देखील तक्रारी येतात. सिंकमध्ये गुटखा थुंकला जातो. आम्ही स्टेडियममध्ये पान मसाला आणि गुटखा घेऊन येऊ नये अशी चाहत्यांना विनंती करत आहोत.'

दरम्यान, पाकिस्तानविरूद्धच्या सामन्यासाठी भारताने आपल्या संघात एक बदल केला आहे. डेंग्यूमुळे पहिले दोन सामने मुकलेला शुभमन गिल पाकिस्तानविरूद्धच्या सामन्याद्वारे आपले वनडे वर्ल्डकप पदार्पण करणार आहे.

शुभमन गिल हा आयपीएलमध्ये गुजरात टायटन्सकडून खेळतो. नरेंद्र मोदी स्टेडियम हे गुजरात टायटन्सचे होम ग्राऊड असल्याने गिलसाठी ही खेळपट्टी पोषक ठकरण्याची शक्यता आहे.

(Sports Latest News)