Abdul Razzaq Ali Razzaq VIDEO : पाकिस्तानमध्ये सध्या लेजंट स्पर्धा सुरू आहे. यात स्पर्धेच्या माध्यमातून पाकिस्तानच्या क्रिकेट रसिकांना मुश्ताक अहमद, इंझमाम - उल - हक, शाहिद आफ्रिदी यांच्यासारख्या स्टार खेळाडूंना पुन्हा एकदा मैदानावर खेळताना पाहता येत आहे. याच स्पर्धेत पाकिस्तानचा माजी अष्टपैलू खेळाडू अब्दुल रझाक देखील खेळत होता. मात्र त्याच्या मुलाने अली रझाकने त्याची अशी काही अवस्था केली की तो आपल्या मुलाकडे न पाहताच तेथून निघून गेला.

त्याचं झालं असं की ज्या अब्दुल रझाकने जसप्रीत बुमराहला बेबी बॉलर म्हणून हिणवले होते त्याच अब्दुल रझाकल्या त्याच्याच मुलाने आऊट केले. ज्यावेळी अब्दुल रझाक अली रझाकच्या गोलंदाजीवर बाद झाला त्यावेळी तो मुलाकडे न पाहताच खाली मान घालून पॅव्हेलयनमध्ये परतला. सध्या सोशल मीडियावर हा व्हिडिओ चांगलाच व्हायरल होत आहे. आपल्या वडिलांना बाद केल्यानंतर अली रझाकने जोरदार सेलिब्रेशन केले. (Latest Sports News)

अली रझाक हा एक युवा उद्योनमुख खेळाडू आहे. तो सध्या पाकिस्तान क्रिकेटमध्ये आपली ओळख निर्माण करण्यासाठी जीवाचे राण करत आहे. अली रझाक काश्मीर प्रीमियर लीगमध्ये मीरपूर रॉयल्सकडून खेळतो. या संघाचे कोच त्याचे वडील अब्दुल रझाक आहेत. याचबरोबर अली रझाक पाकिस्तानच्या ज्यूनियर लीगमध्ये पहावलपूर रेडर्सकडून खेळतो.