Anand Mahindra Car Gift To Praggnanandhaa : बुद्धिबळ वर्ल्ड कप 2023 चा अंतिम सामना भारताचा 18 वर्षीय आर प्रग्नानंद आणि नॉर्वेचा मॅग्नस कार्लसन यांच्यात खेळला गेला. या सामन्यात प्रग्नानंदला रौप्यपदकावर समाधान मानावे लागले.

या स्पर्धेत प्रग्नानंद भलेही इतिहास रचण्यास चुकले असतील, पण त्याने करोडो देशवासीयांची मने जिंकली आहेत. आता महिंद्रा अँड महिंद्रा ग्रुपचे चेअरमन आनंद महिंद्रा यांनी प्रग्नानंद संदर्भात मोठी घोषणा केली आहे. वास्तविक आनंद महिंद्रा त्याला कार गिफ्ट करणार आहे.

बुद्धिबळ वर्ल्ड कप स्पर्धेच्या अंतिम फेरीत पोहोचणारा आर प्रग्नानंद हा भारतातील सर्वात तरुण बुद्धिबळपटू आहे. आनंद महिंद्राने त्याच्या पालकांना इलेक्ट्रिक कार भेट देण्याची घोषणा केली आहे. या कारचे नाव XUV400 आहे. याबाबतची माहिती त्यांनी सोशल मीडियावर दिली आहे. XUV400 कारची किंमत 15 लाख 99 हजार आहे.

बुद्धिबळ वर्ल्ड कपच्या फायनलमध्ये18 वर्षीय प्रग्नानंदने सुरुवातीच्या दोन्ही गेममध्ये 32 वर्षीय कार्लसनला कडवी झुंज दिली. या सामन्याच्या पहिल्या दिवशी प्रग्नानंद आणि कार्लसन यांच्यातील सामना जवळपास 70 चालीनंतर अनिर्णित राहिला. यानंतर दुसऱ्या दिवशी पुन्हा सामना झाला अनिर्णित राहिला. तिसर्‍या दिवशी दोन्ही खेळाडूंमध्ये टायब्रेकर सामना झाला, ज्यामध्ये मॅग्नस कार्लसनने बाजी मारली, पण प्रग्नानंदने आपल्या खेळाने करोडो भारतीयांची मने जिंकली.