Ind vs SL Asia Cup 2023 Final : टीम इंडियाने आशिया कप 2023च्या फायनलमध्ये एन्ट्री मारली आहे. या जेतेपदाच्या लढतीत भारताचा सामना रविवारी गत-विजेत्या श्रीलंकेशी होणार आहे, ज्याने पाकिस्तानचा पराभव करून अंतिम फेरीत प्रवेश केला आहे.

भारतासाठी ही फायनल खूप महत्त्वाची आहे. टीम इंडियाने बर्याच काळापासून कोणतेही विजेतेपद जिंकलेले नाही. 2018 मध्ये रोहित शर्माच्या नेतृत्वाखाली श्रीलंकेच्या नेतृत्वाखाली आशिया कप जिंकला होता, परंतु त्यानंतर टीम इंडियाला एकही बहु-सांघिक स्पर्धा जिंकता आलेली नाही.

याशिवाय, पुढील महिन्यात एकदिवसीय वर्ल्ड कपही सुरू होत आहे, हे लक्षात घेता हे अत्यंत महत्त्वाचे आहे. या फायनलपूर्वी टीम इंडियाच्या दोन खेळाडू शार्दुल ठाकूर आणि अक्षर पटेल टांगती तलवार आहे.

बांगलादेश विरुद्ध खेळल्या गेलेल्या आशिया कप 2023 च्या सुपर-4 च्या शेवटच्या सामन्यात भारताने प्लेईंग-11 मध्ये पाच बदल केले होते. या सामन्यात बांगलादेशने भारताचा सहा धावांनी पराभव केल्यामुळे टीम इंडियाला इतके प्रयोग केल्याचा फटाका बसला आहे. ठाकूर आणि अक्षर दोघेही या सामन्यात खेळले होते.

मात्र, फायनलमध्ये टीम इंडिया बांगलादेशविरुद्ध संधी मिळालेल्या खेळाडूंना बाहेर केल्या जाणार आहे. मात्र ठाकूर आणि पटेल यांच्यापैकी एकच बाहेर जाणार आहे. हे दोघेही अष्टपैलू खेळाडूंच्या भूमिकेत आहेत. त्यांच्या उपस्थितीमुळे संघाच्या फलंदाजीला खोली मिळेल. त्यामुळे त्यांच्यात एकजण खेळणार हे निश्चित आहे.

भारताने श्रीलंकेविरुद्ध जसप्रीत बुमराह आणि मोहम्मद सिराज यांना विश्रांती दिली, तर प्रसिद्ध कृष्णा आणि मोहम्मद शमीची निवड केली. पण बुमराह आणि सिराज अंतिम फेरीत परततील. तसेच कुलदीप यादवही या सामन्यात खेळला नसल्याने त्याचे अंतिम फेरीत पुनरागमनही निश्चित आहे.

रोहित शर्मा आणि प्रशिक्षक राहुल द्रविड यांनी तीन फिरकीपटूंसोबत जाण्याचा निर्णय घेतल्यास अक्षर पटेल खेळणार हे निश्चित आहे. त्याच्यासोबत रवींद्र जडेजा आणि कुलदीप यादव असतील. कोलंबोतील आर प्रेमदासा स्टेडियमवर अंतिम सामना खेळवला जाणार असून येथे फिरकीपटूंना मदत मिळते.

अशा स्थितीत संघ तीन फिरकीपटूंसोबत जाऊ शकतो, असे दिसते. या तीन फिरकीपटूंशिवाय भारताकडे बुमराह आणि सिराज असतील. या दोघांशिवाय हार्दिक पांड्याच्या रूपाने तिसरा वेगवान गोलंदाज असेल. पण वेगवान गोलंदाजांना विकेट उपयुक्त असेल तर अक्षरला बाहेर जावे लागेल. त्याच्या जागी ठाकूर खेळेल. ठाकूर खाली उतरून झटपट धावा करू शकतो.