Asia Cup 2023 India vs Nepal : आशिया कप 2023 च्या पाचव्या सामन्यात आज भारत आणि नेपाळ संघ आमनेसामने आहेत. या सामन्याद्वारे अनुभवी वेगवान गोलंदाज मोहम्मद शमी दीर्घ कालावधीनंतर प्लेइंग इलेव्हनमध्ये परतला आहे. वेगवान गोलंदाज जसप्रीत बुमराहच्या जागी शमीचा संघात समावेश करण्यात आला आहे. या सामन्याच्या एक दिवस आधी बुमराह श्रीलंकेहून भारतात परतला. भारताने नाणेफेक जिंकून प्रथम गोलंदाजी करण्याचा निर्णय घेतला आहे.
33 वर्षीय मोहम्मद शमीने तब्बल साडेपाच महिन्यांनंतर एकदिवसीय आंतरराष्ट्रीय क्रिकेटमध्ये पुनरागमन केले आहे. त्याने आपला शेवटचा वनडे सामना यावर्षी 22 मार्च रोजी ऑस्ट्रेलियाविरुद्ध चेन्नई येथे खेळला होता.
भारत आणि नेपाळने त्यांच्या प्लेइंग इलेव्हनमध्ये प्रत्येकी एक बदल केला आहे. भारताने बुमराहच्या जागी शमीला बोलावले आहे, तर नेपाळने आरिफ शेखच्या जागी भीम शार्कीला संधी दिली आहे.
नेपाळविरुद्ध भारताची प्लेइंग इलेव्हन : रोहित शर्मा (कर्णधार), शुभमन गिल, विराट कोहली, श्रेयस अय्यर, इशान किशन (यष्टीरक्षक), हार्दिक पंड्या, रवींद्र जडेजा, शार्दुल ठाकूर, कुलदीप यादव, मोहम्मद शमी, मोहम्मद सिराज.
भारताविरुद्ध नेपाळची प्लेइंग इलेव्हन : कुशल भरटेल, आसिफ शेख (यष्टीरक्षक), रोहित पौडेल (कर्णधार), भीम शार्की, सोमपाल कामी, गुलशन झा, दीपेंद्र सिंग, कुशल मल्ला, संदीप लामिछाने, करण केसी, ललित राजबंशी.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.