Asia Cup 2023 : भारत-पाकिस्तान यांच्यातील आशिया कप सामन्याची मजा पावसाने उधळली. बरेच दिवस चाहते या सामन्याची वाट पाहत होते, पण पावसाने संपूर्ण सामना होऊ शकला नाही. या रद्द झालेल्या सामन्यासाठी भारत आणि पाकिस्तानला 1-1 गुण सामायिक करावे लागले. नेपाळवर विजय मिळवून पाकिस्तानने आधीच 2 गुण मिळवले होते, त्यामुळे ते थेट सुपर 4 मध्ये गेले आहेत. नेपाळविरुद्ध पुढचा सामनाही पावसाने वाहून गेल्यास भारताचे काय होईल, असा प्रश्न उपस्थित होत आहे.

आशिया कप 2023 च्या पहिला सामना भारतीय संघाची निराशाजनक कामगिरी होती. भारत-पाक एकदिवसीय क्रिकेट लढतीत भरवशाच्या भारतीय फलंदाजांनी शरणागती स्वीकारली. मात्र इशान किशन आणि हार्दिक पंड्या यांनी लाज राखल्यामुळे भारताला 266 धावांपर्यंत मजल मारता आली. त्यानंतर आलेल्या पावसामुळे पाकचा डाव झाला नाही आणि हा सामना अनिर्णित राहिला.

पाकिस्तान सुपर-4 मध्ये भारताचे काय होणार?

पावसामुळे पाकिस्तानविरुद्ध खेळल्या गेलेल्या सामन्यात भारतीय संघाला 1-1 गुण मिळाला. पहिल्या सामन्यात नेपाळचा पराभव करून पाकिस्तानने 2 गुण मिळवले होते, त्यामुळे 3 गुणांसह ते सुपर 4 मध्ये पोहोचले होते.

भारतीय संघाला नेपाळशी खेळायचे असल्याने काळजी करण्यासारखे काही नाही. या सामन्यात पाऊस पडल्यानंतरही भारताला 1 गुण मिळेल. 2 गुण घेऊन भारतीय संघ सुपर-4 मध्ये स्थान मिळवेल. तर नेपाळचा संघ ग्रुप स्टेजमधूनच बाहेर पडेल.

भारत-पाकिस्तान सुपर-4 मध्ये भिडणार?

आशिया कपचे स्वरूप असे आहे की 6 संघांना 3-3 गटात ठेवण्यात आले आहे. 2-2 संघ पुढील फेरीत पोहोचतील आणि नंतर उर्वरित तीन संघांविरुद्ध 1-1 सामना खेळतील. अ गटातून पाकिस्तान सुपर ४ मध्ये पोहोचला असून भारताचे बाहेर पडणेही निश्चित आहे. त्यामुळे दोघेही 10 सप्टेंबरला पुन्हा एकदा खेळतील.