Asia Cup 2023 Time Table, Asia Cup Schedule 2023 : आशियाई क्रिकेट परिषदेने बुधवारी आशिया कप 2023 चे वेळापत्रक जाहीर केले आहे. पाकिस्तान आणि श्रीलंकेच्या भूमीवर या वर्षी ऑगस्टच्या अखेरीस आशिया चषक होणार आहे.

या स्पर्धेतील पहिल्या सामन्यात यजमान पाकिस्तान संघाचा सामना नेपाळशी होणार आहे. हा सामना मुलतानमध्ये 30 ऑगस्ट रोजी होणार आहे. त्याचबरोबर टीम इंडियाचा पहिला सामना 2 सप्टेंबरला कँडीत पाकिस्तानशी होणार आहे.

30 ऑगस्टपासून या स्पर्धेला होणार सुरुवात

आशिया कप स्पर्धेतील दुसरा सामना 31 ऑगस्ट रोजी कँडी येथे बांगलादेशचा श्रीलंकेशी होणार आहे. त्यानंतर भारत आणि पाकिस्तानचे संघ भिडतील. त्यानंतर लाहोरच्या गद्दाफी स्टेडियमवर बांगलादेश आणि अफगाणिस्तानचे संघ भिडतील. हा सामना 3 सप्टेंबर रोजी होणार आहे. त्याचवेळी टीम इंडियाचा दुसरा सामना नेपाळशी 4 सप्टेंबरला कँडीत होणार आहे. दुसरीकडे 5 सप्टेंबरला लाहोरमध्ये श्रीलंकेचा संघ अफगाणिस्तानशी भिडणार आहे.

आशिया कपचे संपूर्ण वेळापत्रक :

• पाकिस्तान विरुद्ध नेपाळ - 30 ऑगस्ट

• बांगलादेश विरुद्ध श्रीलंका - 31 ऑगस्ट

• भारत विरुद्ध पाकिस्तान - 2 सप्टेंबर

• बांगलादेश विरुद्ध अफगाणिस्तान - 3 सप्टेंबर

• भारत विरुद्ध नेपाळ - 4 सप्टेंबर

• श्रीलंका विरुद्ध अफगाणिस्तान - 5 सप्टेंबर

सुपर-4

• अ 1 विरुद्ध ब 2 - 6 सप्टेंबर

• ब 1 विरुद्ध ब 2 - 9 सप्टेंबर

• अ 1 विरुद्ध अ 2 - 10 सप्टेंबर

• अ 2 विरुद्ध ब 1 - 12 सप्टेंबर

• अ 1 विरुद्ध ब 1 - 14 सप्टेंबर

• अ 2 विरुद्ध ब 2 - 15 सप्टेंबर

• अंतिम - 17 सप्टेंबर

हे संघ दोन्ही गटात आमनेसामने

अ गटात टीम इंडियाशिवाय पाकिस्तान आणि नेपाळचा संघ आहे. त्याचबरोबर श्रीलंका, अफगाणिस्तान आणि बांगलादेश ब गटात आहेत. दोन्ही गटातील टॉप-2 संघ सुपर-4 साठी पात्र ठरतील. त्यानंतर त्यांच्या गटातील एक संघ आणि दुसऱ्या गटातील दोन संघ प्रत्येकी एक सामना खेळतील. अशा परिस्थितीत सुपर-4 मध्ये भारत आणि पाकिस्तान यांच्यात आमनेसामने पाहायला मिळू शकतात. त्याचबरोबर हे दोन संघ अंतिम सामन्यातही भिडू शकतात.