Asian Para Games : हांगझू येथील एशियन पॅरा गेम्स 2023 मध्ये भारताच्या निशाद कुमारने पुरूष उंच उडी T47 प्रकारात सुवर्ण पदक पटकावलं. त्याने 2.02 मीटर उंच उडी मारत एशियन पॅरा गेम्समध्ये रेकॉर्ड ब्रेक कामगिरी केली.

यापूर्वी एशियन पॅरा गेम्समध्ये भारताने उंच उडी आणि क्लब थ्रोमध्ये सर्व तीनच्या तीन पदके जिंकण्याचा पराक्रमक केला आहे. पुरूष क्लब थ्रो F5 प्रकारात प्रणव सूरमाने सुवर्ण पदकाची कमाई केली. तर धरमबीर आणि अमित कुमार हे अनुक्रमे दुसऱ्या आणि तिसऱ्या स्थानावर राहिले.

एशियन पॅरा गेम्समध्ये पुरूष उंच उडीत शैलेश कुमारने 1.82 मीटर उंच उडी मारत रेकॉर्ड ब्रेक कामगिरी केली. त्याने T63 प्रकारात सुवर्ण पदक पटकावले. तर भारताच्याच मरियप्पन थांगावेलूने 1.80 मीटर उंच उडी मारत रौप्य पदक पटकावले. कांस्य पदरावर देखील भारतातीच मोहर उमटली. गोविंदभाई पाधियारने 178 मीटर उंच उडी मारत कांस्य पदकावर कब्जा केला.

याचबरोबर भारताच्या पुरूष शूट पुट F11प्रकारात मोनू घानगासने (12.33m) कांस्य पदक पटकावले. महिला कॅनोए VL2 (नौका विहार) प्रकारात प्राची यादवने 1:03.147 वेळ नोंदवत रौप्य पदक पटकावले आहे.