Birmingham Commonwealth Games 2022 : राष्ट्रकुल स्पर्धेतील पहिल्या महिला क्रिकेट टी 20 सामन्यात ऑस्ट्रेलियाने भारताचा तीन विकेट्सनी पराभव केला. भारताने ऑस्ट्रेलियासमोर विजयासाठी 155 धावांचे आव्हान ठेवले होते. हे आव्हान ऑस्ट्रेलियाने 7 फलंदाजांच्या मोबदल्यात 19 षटकात पार केले. ऑस्ट्रेलियाकडून अॅश्लेघ गार्डनेरने नाबाद 52 धावांची खेळी करत संघाला विजय मिळवून दिला. तिला 20 चेंडूत 37 धावा करून ग्रेस हॅरिसने चांगली साथ दिली. भारताकडून रेणुका सिंहने 4 तर दिप्ती शर्माने 2 विकेट घेत चांगली झुंज दिली.
ऑस्ट्रेलिया संघाने १५७ धावा करत पहिल्या सामन्यात विजय मिळवला आहे.
ऑस्ट्रेलियाची अवस्था 5 बाद 49 धावा झाली असताना ग्रेस हॅरिसने अॅश्लेघ गार्डनेरच्या साथीने संघाला 12 षटकात 91 धावांपर्यंत मजल मारून दिली. मात्र मेघना सिंहने 20 चेंडूत 37 धावांची खेळी करणाऱ्या ग्रेस हॅरिसला बाद करत ही जोडी फोडली.
दिप्ती शर्माने रिचेल हायनेसला 8 धावांवर बाद करत ऑस्ट्रेलियाचे अर्धशतक पूर्ण होण्यापूर्वीच पाचवा धक्का दिला.
भारताने ठेवलेल्या 155 धावांच्या आव्हानाचा पाठलाग करताना ऑस्ट्रेलियाची सुरूवात खराब झाली. भारताच्या रेणुका सिंहने भेदक मारा करत ऑस्ट्रेलियाची टॉप ऑर्डर उडवली. तिने अॅलिसा हेले (0), मेघ लेनिंग(8), बेथ मूनी (10), ताहलिया मॅग्राथ(14) यांना पॅव्हेलियनचा रस्ता दाखवला.
हरमनप्रीत कौरच्या 52 आणि शेफाली वर्माच्या 48 धावांच्या जोरावर भारताने ऑस्ट्रेलियासमोर 155 धावांचे आव्हान ठेवले.
हरमप्रीतने कॅप्टन्स इनिंग खेळत भारताला 150 धावांचे टप्पा पार करून दिला. मात्र तिला स्कुटने 52 धावांवर बाद केले.
हरलीन देओलला जोनासेनने 6 धावांवर बाद करत भारताला सहावा धक्का दिला.
भारतीय महिला क्रिकेट संघाच्या फलंदाजीला जेस जोनासेनने मोठे भगदाड पाडले. तिने जेमिमाह रॉड्रिग्ज (11) आणि दिप्ती शर्माला (1) एकाच षटकात बाद करत भारताचा निम्मा संघ 117 धावात पॅव्हेलियनमध्ये धाडला.
ऑस्ट्रेलियाच्या जेस जोनासेनने भारताला मोठा धक्का दिला. तिने अर्धशतकाच्या जवळ पोहचलेल्या शेफाली वर्माला 48 धावांवर बाद केले. शेफालीने 33 चेंडूत 9 चौकारांच्या सहाय्याने 48 धावा केल्या होत्या.
भारताला 68 धावांवर दुसरा धक्का बसला. यस्तिका भाटिया 8 धावांवर धावबाद झाली.
सलामीवीर शेफाली वर्माने आक्रमक फलंदाजी करत भारताला 9 षटकात 1 बाद 68 धावांपर्यंत मजल मारून दिली.
डार्सी ब्राऊनने 17 चेंडूत 24 धावा करणाऱ्या स्मृती मानधनाला केले बाद
भारताने नाणेफेक जिंकून प्रथम फलंदाजी करण्याचा निर्णय घेतला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.