Australia World Cup 2023 Mitchell Starc Wife Alyssa Healy : 2023 च्या वर्ल्ड कपदरम्यान ऑस्ट्रेलियाचा दिग्गज खेळाडू मिचेल स्टार्कसाठी वाईट बातमी आली आहे. झालं असं की, त्याची पत्नी एलिसा हिली हिला कुत्रा चावला आहे.

एलिसाची मैत्रिण आणि ऑस्ट्रेलियन संघाची महिला क्रिकेटर फोबी लिचफिल्ड हिने याला दुजोरा दिला. कुत्रा चावल्यामुळे एलिसाला महिला बिग बॅश लीगचा एकही सामना खेळता आला नाही. ती सिडनी थंडरविरुद्धच्या सामन्यातून बाहेर राहिली.

फॉक्स स्पोर्ट्सवरील एलिसाबद्दल बोलताना फोबी लिचफिल्ड म्हणाली की, "तिला कुत्रा चावला आहे. ही गोष्ट सर्वांना माहीत आहे का हे मला नाही माहीत. मला आशा आहे की ती बरी होईल.

अॅलिसा हीली ही ऑस्ट्रेलियाचा महान गोलंदाज मिचेल स्टार्कची पत्नी आहे. 2015 मध्ये त्यांनी लग्न केले. एलिसाने आंतरराष्ट्रीय स्तरावर ऑस्ट्रेलियाचे प्रतिनिधित्व केले आहे. तिने ऑस्ट्रेलियासाठी 6 टी-20 आणि 2 एकदिवसीय वर्ल्ड कप जिंकले आहेत. सध्या ती महिला बिग बॅश लीगमध्ये सिडनी सिक्सर्सकडून खेळत आहे.

मिचेल स्टार्क सध्या भारतात वर्ल्ड कप खेळत आहे. आजून पण मिचेलला काही विशेष कामगिरी करता आलेली नाही. आतापर्यंत त्याला 4 सामन्यात गोलंदाजी करताना केवळ 6 विकेट घेता आल्या आहेत.