ऑस्ट्रेलियाचा फलंदाज अ‍ॅरॉन फिंचने एकदिवसीय क्रिकेटमधून निवृत्तीची घोषणा केली. ऑस्ट्रेलियाच्या पुरुष एकदिवसीय क्रिकेट संघाचा 24वा कर्णधार राहिलेल्या फिंचने रविवारी केर्न्स येथे न्यूझीलंडविरुद्ध 146 वा आणि शेवटचा एकदिवसीय सामना खेळणार आहे.

ऑस्ट्रेलियाच्या मर्यादित षटकांच्या संघाचा कर्णधार अॅरॉन फिंच शनिवारी (10 सप्टेंबर) आंतरराष्ट्रीय क्रिकेटमधील त्याच्या भविष्याविषयी मोठी घोषणा करणार असल्याची चर्चा होती . या चर्चा खऱ्या ठरवत त्याने अखेर वनडे क्रिकेटमधून निवृत्तीची घोषणा केली आहे. रविवारी (11 सप्टेंबर) न्यूझीलंडविरुद्ध होणारा तिसरा एकदिवसीय सामना त्याच्या या फॉरमॅटमधील कारकिर्दीतील शेवटचा सामना असेल.

एकदिवसीय सामन्यांमध्ये फिंच खराब फॉर्मशी झगडत आहे. गेल्या 7 डावात त्याने एकूण 26 धावा केल्या आहेत, ज्यामध्ये तो तीन वेळा 0 धावांवर बाद झाला आहे. न्यूझीलंडविरुद्धच्या एकदिवसीय मालिकेत त्याला दोन्ही डावात केवळ 5 धावा करता आल्या आहेत.