Bajrang Punia Suspensions : भारताचा कुस्तीपटू बजरंग पुनियाच्या अडचणीत पुन्हा वाढ झाली आहे. नॅशनल अँटी डोपिंग एजन्सीने (NADA) त्याला पुन्हा एकदा निलंबित केलं आहे. नाडाच्या अँटी डिसिप्लिनरी डोपिंग समितीने बजरंग पुनियाविरूद्धचं निलंबन मागं घेतलं होतं. मात्र तीन आठवड्यातच नाडाने पुन्हा त्याच्यावर निलंबनाची कारवाई केली आहे. पुनियाला सर्वात आधी 23 एप्रिलला डोपिंग टेस्टसाठी लघवीचे नमुने देण्याबाबत नाडासोबत सहकार्य न केल्यानं कारवाई करण्यात आली होती.
पीटीआयने दिलेल्या वृत्तानुसार नाडाने बजरंगला कळवले की, 'नाडाच्या अँटी डोपिंग नियम 2021मधील कलम 2.3 चे उल्लंघन केल्या प्रकरणी तुम्हाला ही अधिकृत नोटीस पाठवण्यात येत आहे. तुम्हाला तातपुरतं निलंबित करण्यात येत आहे.'
नाडाने स्पष्टपणे अँटी डोपिंगच्या नियमांचे उल्लंघन असा उल्लेख केला आहे. याचा अर्थ या काळात झालेल्या बजरंगच्या कुस्ती स्पर्धांमधील सर्व निकाल हे रद्द होणार आहेत. याचा परिणाम बजरंगने या काळात जिंकलेल्या सर्व पदक, पॉईंट्स आणि बक्षीसांवर होणार आहे.
टोकियो ऑलिम्पिकमध्ये कांस्य पदक जिंकणाऱ्या बजरंगवर निलंबनाची कारवाई ही 23 एप्रिल रोजी करण्यात आली होती. त्यावेळी त्याच्यावर 18 एप्रिल रोजीच्या त्याचा ठावठिकाणा सांगण्याच्या नोटिशीला उत्तर देऊ शकला नसल्याने ही कारवाई करण्यात आली होती.
याविरूद्ध बजरंगने नाडाच्या अधिकांऱ्यांवर एक्सपायरी झालेले किट त्याचे लघवीचे नमुने घेण्यासाठी दिल्याचा आरोप केला होता. 25 एप्रिल रोजी झालेल्या बैठकीत मिशन ऑलिम्पिक सेलने बजरंगच्या सरावासाठी 8 लाख 82 हजार रूपये मजूर केले होते. तो 28 मे पासून रशियात सराव करणार होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.