Taijul Islam Test World Record : भारतात आयपीएलची धामधूम सुरू असताना तिकडे बांगलादेशमध्ये आयर्लंड - बांगलादेश कसोटीत एक मोठा विश्वविक्रम रचला गेला. बांगलादेशचा डावखुरा फिरकी गोलंदाज तैजुल इस्लमाने हे वर्ल्ड रेकॉर्ड आपल्या नावावर केले आहे. विशेष म्हणजे तैजुलने केलेली कामगिरी यापूर्वी कोणालाही आंतरराष्ट्रीय कसोटी क्रिकेटमध्ये करता आलेली नाही.

तैजुल इस्लामने आयर्लंडचा फलंदाज पीटर मूरला बाद केले अन् विश्वविक्रम रचला गेला. त्याचं काय झालं की पीटर मूर हा आयर्लंडकडून खेळण्यापूर्वी झिम्बाब्वेकडून खेळला होता. त्यावेळी त्याला तैजुल इस्लमाने बाद केले होते. आता आयर्लंडकडून खेळताना देखील तैजुलनेच त्याची विकेट घेतली. अशी कामगिरी करणारा तैजुल हा कसोटी क्रिकेट इतिहातील पहिलाच गोलंदाज ठरला.

पीटर मूर झिम्बाब्वेकडून आंतरराष्ट्रीय क्रिकेट खेळला आहे. 2018 मध्ये झिम्बाब्वेने बांगलादेशचा दौरा केला होता. या दौऱ्यावेळी पीटर मूरला तैजुल इस्लामने शुन्यावर बाद केले होते. आता पीटर मूर हा आयर्लंडकडून आंतरराष्ट्रीय क्रिकेट खेळत आहे. आयर्लंडचा संघ सध्या बांगलादेश दौऱ्यावर आहे.

कसोटी सामन्याच्या पहिल्या डावात तैजुल इस्लामन मूरला अवघ्या 1 धावेवर बाद केले होते. तैजुल इस्लामने पहिल्या डावात 5 विकेट्स घेण्याची कामगिरी देखील केली. दुसऱ्या डावात देखील तैजुलने आयर्लंडच्या 4 फलंदाजांना बाद केले आहे.

(Sports Latest News)

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत