Roger Binny Mayanti Langer Conflict of Interest Notice : बीसीसीआयचे नवे अध्यक्ष रॉजर बिन्नी यांना देखील हितसंबंधांच्या वादासंदर्भात नोटिस मिळाली आहे. बीसीसीआयचे नैतिक अधिकारी (Ethics Officer) विनीत सरन यांनी ही नोटीस बजावली आहे. याबाबतची माहिती पीटीआयने दिली असून. बिन्नी यांना सरन यांच्याकडो 20 दिवसात या नोटिशीबाबत उत्तर द्यावे लागणार आहे. तक्रारदार संजीव गुप्ता यांनी बिन्नी यांची सून मयंती लँगर - बिन्नी ही स्टार स्पोर्ट्ससाठी काम करते यावरून ही तक्रार केली आहे.

बीसीसीआय नैतिक अधिकाऱ्यांनी दिलेल्या या नोटिसीमध्ये बीसीसीआयचे नैतिक अधिकारी म्हणातात की 'तुम्हाला कळवण्यात येत आहे की आम्हाला नियम 39(2) ब अंतर्ग तुमच्याविरूद्ध तक्रार मिळाली आहे. तुमच्यावर नियम 38(1) आणि 38(2) अंतर्गत हितसंबंधाबाबतचा नियम (Conflict of Interest) भंग केल्याचा आरोप करण्यात आला आहे. तुम्हाला आदेश देण्यात येत आहेत की, तुम्ही या तक्रारीबाबत तुमचे लिखीत उत्तर दिनांक 20 - 12 - 2022 पर्यंत द्यावे. तुमच्या लिखीत उत्तरासोबत प्रतिज्ञापत्रही जोडावे.'

रॉजर बिन्नी हे भारताने पहिल्यांदा 1983 साली जिंकलेल्या वर्ल्डकप संघातील सदस्य आहेत. त्यांनी बीसीसीआयचे 36 वे अध्यक्ष म्हणून ऑक्टोबरमध्ये कार्यभार स्विकारला आहे. त्यांनी सौरभ गांगुलीची जागा घेतली. 67 वर्षांच्या बिन्नींनी भारताकडून 27 कसोटी सामने खेळेले आहेत. दरम्यान, मयंती लँगर ही रॉजर बिन्नी यांचा मुलगा स्टुअर्ट बिन्नी याची पत्नी आहे. ती सध्या मोठ्या गॅपनंतर पुन्हा स्टार स्पोर्ट्सवर अँकर म्हणून सक्रीय झाली आहे.

हेही वाचा : दुधाच्या प्लास्टिक पिशवीचा कापलेला छोटा कोपराही घडवेल अनर्थ..