कोलकाता - बीसीसीआयचे अध्यक्ष आणि माजी क्रिकेटपटू सौरव गांगुली यांची प्रकृती पुन्हा बिघडली आहे. सौरव गांगुली यांना पुन्हा रुग्णालयात दाखल करण्यात आलं आहे. नुकतीच त्यांच्यावर अँजिओप्लास्टीची शस्त्रक्रिया झाली आहे. त्यानंतर आज अचानक छातीत दुखायला लागल्यानं कोलकात्यातील अपोलो रुग्णालयात दाखल करण्यात आलं.
याआधी गांगुलींना 2 जानेवारी रोजी छातीत दुखायला लागल्यानंतर कोलकात्यातील वुडलँड्स रुग्णालयात दाखल केलं होतं. तिथं सौरव गांगुली यांची अँजिओप्लास्टीची शस्त्रक्रिया झाली होती. गेल्यावेळी ते घरात जिममध्ये व्यायाम करत असतानाच त्रास जाणवू लागला होता. दरम्यान, सौरभ गांगुली, यांनी शस्त्रक्रियेनंतर हॉस्पिटलला चेकअपसाठी भेट दिली होती. त्यांच्या प्रकृतीतमध्ये शस्त्रक्रियेनंतर कोणताही बदल झालेला नाही. त्यांनी प्रकृती उत्तम आहे, अशी माहिती अपोलो हॉस्पिटलकडून देण्यात आली आहे.
पाच दिवस रुग्णालयात उपचार घेतल्यानंतर गांगुली घरी परतले होते. तेव्हा सौरव गांगुली यांनी रुग्णालयातील डॉक्टर आणि इतर स्टाफचे आभारही मानले होते. ते म्हणाले होते की, आता मी पूर्णपणे बरा आहे. माझ्यावर उपचार करणाऱ्या डॉक्टरांचे आभार. रुग्णालयातून घरी सोडल्यानंतर गांगुलींना घरी विश्रांती घेण्याचा सल्ला डॉक्टरांनी दिला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.