Team India BTS post Semi-Final Win : सध्या सगळीकडे आयसीसी मेन्स क्रिकेट वर्ल्डकपची चर्चा सुरू आहे. बुधवारी झालेल्या सेमी-फायनल सामन्यात भारताने न्यूझीलंडवर विजय मिळवून दिमाखात फायनलमध्ये प्रवेश केला होता. यानंतर टीम इंडियाच्या ड्रेसिंग रुममध्ये कसा माहोल होता, याचा एक व्हिडिओ समोर आला आहे.
BCCI ने आपल्या वेबसाईटवर हा टीम इंडियाचा BTS, म्हणजेच बिहाईंड द सीन्स व्हिडिओ शेअर केला आहे. यामध्ये न्यूझीलंडसोबत झालेल्या सामन्यानंतर ड्रेसिंग रुममध्ये कसं वातावरण होतं, खेळाडूंनी कसा आनंद साजरा केला हे दिसत आहे.
मॅचनंतर ड्रेसिंग रुममध्ये हे खेळाडू एकमेकांना आनंदाने आलिंगन देताना दिसत आहेत. सोबतच ते एकमेकांचं अभिनंदनही करत आहेत, ऑटोग्राफ देखील देत आहेत. ड्रेसिंग रुममध्ये युजवेंद्र चहल देखील आलेला व्हिडिओमध्ये दिसत आहे. या लिंकवर क्लिक करुन तुम्ही हा व्हिडिओ पाहू शकाल.
गुरुवारी झालेल्या दुसऱ्या सेमी फायनलमध्ये दक्षिण आफ्रिकेवर विजय मिळवत ऑस्ट्रेलियाने देखील फायनलमध्ये एन्ट्री केली आहे. यामुळे 19 नोव्हेंबरला होणारा अंतिम सामना हा भारत वि. ऑस्ट्रेलिया असा होणार असल्याचं निश्चित झालं आहे. त्यामुळे 2003 सालचा बदला घेत, ऑस्ट्रेलियाला हरवून विश्वचषकावर आपलं नाव कोरण्यासाठी टीम इंडिया सज्ज झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.