Team India Squad For Asia Cup 2023 : पाकिस्तान-श्रीलंका मध्ये होणाऱ्या आशिया कप स्पर्धेसाठी भारतीय संघाची सोमवारी (21 ऑगस्ट) घोषणा होणार आहे. अजित आगरकर यांच्या अध्यक्षतेखालील वरिष्ठ पुरुष निवड समितीची टीम निवडण्यासाठी नवी दिल्लीत महत्त्वाची बैठक होणार आहे. या बैठकीला कर्णधार रोहित शर्माशिवाय कोच राहुल द्रविड देखील उपस्थित राहणार आहेत.

बैठकीनंतर अजित आगरकर दुपारी 1.30 वाजता पत्रकार परिषद घेऊन भारतीय संघाची घोषणा करतील. ही बैठक किती वाजता होणार आणि त्यात कोण कोण सहभागी होणार याची मोठी बातमी समोर आली आहे. यावेळी बीसीसीआयही संघ निवडीसाठी आपला मोठा नियम मोडणार आहे.

वृत्तानुसार, बीसीसीआय (भारतीय क्रिकेट बोर्ड) प्रथमच निवड बैठकीच्या परंपरेपासून दूर जात आहे. सोमवारी सकाळी दिल्लीत होणाऱ्या बैठकीला मुख्य प्रशिक्षक राहुल द्रविड देखील उपस्थित राहणार आहेत. जर द्रविडने या बैठकीला हजेरी लावली तर ते बीसीसीआयच्या नियमांचे उल्लंघन होईल.

कारण भारतीय कोच संघ निवड बैठकीला उपस्थित राहत नाहीत. रवी शास्त्री आणि अनिल कुंबळे हे कोच असताना निवड समितीच्या बैठकांमध्ये सहभागी झाले नव्हते. ऑस्ट्रेलियन क्रिकेटमध्ये, मुख्य प्रशिक्षक हा राष्ट्रीय निवड समितीचा भाग असतो, परंतु भारतात कोच किंवा कर्णधाराला निवडीच्या बाबतीत मत देण्याचा अधिकार नाही.

भारताचा संभाव्य संघ :

रोहित शर्मा (कर्णधार), शुभमन गिल, विराट कोहली, केएल राहुल (यष्टीरक्षक), श्रेयस अय्यर, हार्दिक पंड्या (उपकर्णधार), रवींद्र जडेजा, जसप्रीत बुमराह, मोहम्मद शमी, मोहम्मद सिराज, कुलदीप यादव, इशान किशन (यष्टीरक्षक), अक्षर पटेल, शार्दुल ठाकूर, सूर्यकुमार यादव, टिळक वर्मा, युझवेंद्र चहल किंवा रविचंद्रन अश्विन.