भारतीय क्रिकेट संघाला टी-२० विश्वकरंडकाच्या उपांत्य फेरीत इंग्लंडकडून पराभव पत्करावा लागला होता. या पराभवाची समीक्षा बीसीसीआयकडून करण्यात येणार आहे. या प्रकरणाबाबत बीसीसीआयचे पदाधिकारी कर्णधार रोहित शर्मा व प्रशिक्षक राहुल द्रविड यांना भेटणार आहेत.

या बैठकीला राहुल द्रविड यांच्यासोबत राष्ट्रीय क्रिकेट अकादमीचे प्रमुख व्ही. व्ही. एस. लक्ष्मण यांचीही उपस्थिती असणार आहे. एवढेच नव्हे तर २०२३मध्ये होणार असलेल्या एकदिवसीय विश्वकरंडकाची योजनाही तयार केली जाण्याची शक्यता आहे.

दरम्यान, भारतीय क्रिकेटच्या निवड समितीच्या नवीन सदस्यांची मुलाखत २ जानेवारी रोजी होण्याची शक्यता आहे. क्रिकेट सल्लागार समितीने शुक्रवारी भारतीय क्रिकेट बीसीसीआयच्या वरिष्ठ अधिकाऱ्यांची भेट घेतली असून, त्यात नवीन निवड समिती सदस्यांची मुलाखत कशी घ्यायची याबद्दल चर्चा झाली असल्याची शक्यता आहे. या क्रिकेट सल्लागार समितीचे अध्यक्ष अशोक मल्होत्रा असून यामध्ये जतीन परांजपे आणि सुलक्षणा नाईक यांचाही समावेश आहे.

निवड समितीच्या अध्यक्ष पदासाठी व्यंकटेश प्रसाद, नयन मोंगिया, मनिंदर सिंग, सुब्रतो बॅनर्जी, शिव सुंदर दास या माजी खेळाडूंमध्ये कमालीची चुरस आहे.