U-19 World Cup Sachin Dhas Century : दक्षिण आफ्रिकेत सुरू असलेल्या 19 वर्षाखालील वर्ल्डकपमध्ये आज भारत आणि नेपाळ यांच्यात लढत होत आहे. नेपाळविरूद्धच्या या सामन्यात भारताची अवस्था 3 बाद 62 धावा अशी झाली होती. मात्र बीडच्या सचिन धसने शतकी खेळी करत भारताचा डाव सावरला. सचिन धसने 101 चेंडूत 116 धावा चोपल्या. या खेळीत त्याने 11 चौकार आणि 3 षटकार मारले. त्याने कर्णधार उदय सहारनसोबत चौथ्या विकेटसाठी 215 धावांची दमदार भागीदारी रचली.
19 वर्षाखालील वर्ल्डकपमध्ये भारत आणि नेपाळ यांच्यात सुपर 6 चा सामना खेळवला जात आहे. या सामन्यात भारताने नाणेफेक जिंकून प्रथम फलंदाजी करण्याचा निर्णय घेतला. मात्र नेपाळविरूद्ध भारताची सुरूवात खराब झाली.
आदर्श सिंह हा 21 धावा करून बाद झाला. त्यानंतर आलेला प्रियांशू मोलिया 19 धावांची भर घालून माघारी परतला. दुसरा सलामीवीर अर्शिन कुलकर्णी देखील 18 धावांवर आकाश चंदची शिकार झाला. भारताची अवस्था 3 बाद 62 धावा अशी झाली होती.
यानंतर कर्णधार उदय सहारन आणि सचिन धस यांनी भारताचा डाव सावरला. कर्णधाराच्या साथीने फलंदाजी करणाऱ्या धसने आक्रमक फलंदाजी करत 101 चेंडूत 116 धावा ठोकल्या. या दोघांनी चौथ्या विकेटसाठी 215 धावांची दमदार भागीदारी रचत भारताला 277 धावांपर्यंत पोहचवले.
दरम्यान, गुलशन झाने ही जोडी फोडली. त्याने धसला 116 धावांवर बाद केलं. दुसऱ्या बाजूने उदय सहारन 90 धावांवर खेळत होता. त्याने धस बाद झाल्यानंतर आपले शतक पूर्ण केलं. मात्र शेवटच्या षकात गुलशनने त्याचीही शिकार केली. उदय सहारनने 107 चेंडूत 100 धावा केल्या. अखेर भारताने 50 षटकात 5 बाद 297 धावांपर्यंत पोहचला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.