Singer KK Passes Away: सुप्रसिद्ध गायक कृष्णकुमार कुन्नत्त उर्फ केके यांचे हृदय विकाराच्या झटक्याने निधन. ते ५३ वर्षांचे होते. कोलकता येथे एका कार्यक्रमाच्या दरम्यान ही घटना घडली. आज (मंगळवारी) कोलकाता येथील नझरूल मंच येथे केके यांचा गाण्याचा कार्यक्रम होता. परफॉमन्स संपल्यावर केके यांना कार्यक्रमस्थळीच हृदयविकाराचा झटका आला. त्यांना तातडीने कोलकाता मेडिकल रिसर्च इन्स्टिट्यूट (CMRI) येथे नेण्यात आले. रुग्णालयात तपासणी केल्यानंतर डॉक्टरांनी केके यांना मृत घोषित केले. केके यांच्या पश्चात पत्नी आणि मुलगा असा परिवार आहे. भारताचा माजी सलामीवीर वीरेंद्र सेहवागसह अनेक दिग्गजांनी त्याच्या निधनावर शोक व्यक्त केला.

आयपीएल टीम कोलकाता नाईट रायडर्सने केकेच्या मृत्यूबद्दल त्याच्या एका गाण्याच्या ओळी शेअर करून शोक व्यक्त केला आहे. वीरेंद्र सेहवागने लिहिले, 'कोलकता येथे एका कार्यक्रमाच्या दरम्यान ही घटना घडली. केकेच्या निधनाबद्दल ऐकून खूप दुःख झाले. आयुष्य किती नाजूक आहे याची आणखी एक आठवण. त्यांच्या कुटुंबियांना आणि मित्रांच्या संवेदना ओम शांती.

आयपीएल चॅम्पियन कोलकाता नाईट रायडर्सनेही गायकाच्या निधनाबद्दल शोक व्यक्त केला. टीमने एका गाण्याच्या ओळी पोस्ट केल्या आणि लिहिले, 'कोलकाताहून एक अतिशय दुःखद बातमी. तुमच्या आत्म्याला शांती लाभो KK.

केके यांनी हिंदीत जवळपास २०० हून अधिक गाणी गायली आहे. ‘हम दिल दे चुके सनम’ चित्रपटातील ‘तडप तडप...’ गाण्याने त्यांना बाॅलीवूडमध्ये ओळख मिळवून दिली होती. त्यांचा ‘पल’ म्युझिक अल्बम गाजला होता. (singer kk songs) ओम शांती ओम, गँगस्टर, दस अशा अनेक सिनेमासाठी त्यांनी गाणी गायली आहेत. फक्त हिंदीच नाही तर तमिळ, तेलगू, कन्नड, मल्याळम, मराठी, बंगाली, आसामी आणि गुजराती भाषेतील चित्रपटांमध्ये गाणी गायली आहेत.