ICC ने भ्रष्टाचाराच्या आरोपाखाली झिम्बाब्वेचा माजी कर्णधार आणि फलंदाज ब्रेंडन टेलरवर (Brendan Taylor) साडेतीन वर्षांची बंदी घातली आहे. भ्रष्टाचारविरोधी संहितेचे उल्लंघन केल्याबद्दल आयसीसीने टेलरला दोषी ठरवले आहे. एका भारतीय बुकीकडून स्पॉट फिक्सिंगसाठी पैसे घेतल्याप्रकरणी टेलर दोषी ठरला होता. खुद्द टेलरनेच काही दिवसांपूर्वी हा खुलासा केला होता. (Brendan Taylor Banned By ICC)
"झिम्बाब्वेचा माजी कर्णधार ब्रॅंडन टेलरवर ICC भ्रष्टाचार विरोधी संहितेच्या तरतुदींचा भंग केल्याचे चार आरोप आणि ICC अँटी-डोपिंग कोडचा एक आरोप स्वीकारल्यानंतर सर्व प्रकारच्या क्रिकेटमधून साडेतीन वर्षांची बंदी घालण्यात आली आहे." आयसीसीने म्हटलं आहे. टेलरने 24 जानेवारी रोजी सांगितलं होते की, एका भारतीय व्यावसायिकासोबतच्या भेटीत कोकेन सेवन केल्यानंतर त्याला ब्लॅकमेल करण्यात आलं होतं. त्या व्यावसायिकाने केलेल्या भ्रष्ट ऑफरची वेळेवर तक्रार न केल्यामुळे त्याला अनेक वर्षांच्या बंदीला सामोरं जावं लागू शकतं, असंही टेलरने म्हटलं होतं.
भारतीय व्यावसायिकाने त्याला भारताचे "प्रायोजकत्व" करण्यासाठी आणि झिम्बाब्वेमध्ये टी -20 स्पर्धेसाठी योजनांवर चर्चा करण्यासाठी आमंत्रित केलं होतं. व्यावसायिकाचं नाव न सांगता, त्यानं सांगितलं की त्याला ऑक्टोबर 2019 मध्ये 15,000 डॉलरची ऑफर देण्यात आली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.