IPL 2023 MS Dhoni : एमएस धोनी हा क्रिकेट इतिहासातील सर्वात यशस्वी कर्णधार मानला जातो. त्याने भारताला तीन आयसीसी टूर्नामेंटमध्ये विजय मिळवून दिला आहे, ज्यामुळे तो महान कर्णधारांच्या यादीत आघाडीवर आहे. याशिवाय त्याच्या नेतृत्वाखाली चेन्नई सुपर किंग्जने इंडियन प्रीमियर लीगमध्ये 4 विजेतेपदे जिंकली आहेत.

जेव्हा जेव्हा घड्याळाची सुई 7.29 मिनिटांपर्यंत पोहोचते तेव्हा भारतीय चाहत्यांच्या मनात फक्त महेंद्रसिंग धोनी येतो. कारण 15 ऑगस्ट 2020 मध्ये धोनीने आंतरराष्ट्रीय क्रिकेटमधून निवृत्तीची घोषणा केली. धोनीने ट्विटरवर 'मैं पल दो पल का शायर' या गाण्यासोबतच्या काही जुन्या आठवणींचा व्हिडिओ पोस्ट केला आणि लिहिले की, मला 7.29 मिनिटांपासून निवृत्त समजले जावे.

टीम चेन्नई सुपर किंग्सने त्याचवेळी त्यांच्या सोशल मीडिया अकाउंटवर एक व्हिडिओ पोस्ट करून चाहत्यांना मोठा धक्का दिला आहे. व्हिडिओ पोस्ट करताना CSK ने लिहिले, 'धला अपडेट 7.29 मिनिटांवर'

जेव्हा चाहत्यांनी सीएसकेची ही पोस्ट पाहिली तेव्हा हृदयाचे ठोके वाढले असतील, पण त्यांनी व्हिडिओ प्ले केला तेव्हा त्यांनी सुटकेचा नि:श्वास सोडला असेल. खंर तर चेन्नई सुपर किंग्जने शेअर केलेल्या या व्हिडिओमध्ये धोनीच्या निवृत्तीची कोणतीही बातमी नाही, परंतु माही आगामी आयपीएल हंगामाची तयारी करताना दिसत आहे.