राष्ट्रकुल स्पर्धेत स्पर्धेत भारताने चौथे पदक मिळवले आहे. बिंद्याराणी देवीने महिला वेटलिफ्टिंगच्या ५५ ​​किलो वजनी गटात भारतासाठी रौप्य पदक जिंकले. बिंद्याराणीने स्नॅचमध्ये 86 आणि क्लीन अँड जर्कमध्ये ११६ स्कोर केला. . म्हणजेच तिने एकूण 202 किलो वजन उचलून रौप्यपदक पटकावले आहे.(Commonwealth Games 2022 India gets fourth medal Bindiya Rani Devi won silver)

रौप्य पदक जिंकल्यानंतर बिंद्याराणीने आनंद व्यक्त केला आहे. मी पहिल्यांदा परफॉर्मन्स मध्ये होते. पण माझ्या हातून सुवर्णपदक निसटले अशी खंत बिंद्याराणीने व्यक्त केली. पण पुढच्यावेळी नक्की प्रयत्न करेन असा विश्वासदेखील तिने यावेळी व्यक्त केला. माझे पुढील लक्ष्य राष्ट्रीय खेळ, विश्व चॅम्पियनशिप, आशियाई खेळ आणि त्यानंतर 2024 पॅरिस ऑलिम्पिक आहे. असेदेखील बिंद्याराणीने म्हटले आहे.

क्लीन अँड जर्क फेरीतील दुसऱ्या प्रयत्नात बिंद्याराणी अपयशी ठरली होती, मात्र तिसऱ्या प्रयत्नात तिने अपेक्षेपेक्षा 116 किलो वजन उचलून आपल्या कामगिरीने सर्वांना चकित केले. भारताचे वेटलिफ्टिंगमधील एकाच दिवसातील हे चौथे पदक ठरले. याच खेळातील स्पर्धेत मीराबाई चानूने देशाला पहिले सुवर्ण मिळवून दिले. तर संकेतने रौप्य आणि गुरुराजाने कांस्यपदक जिंकले.