बर्मिंगहम : बर्मिंगहम राष्ट्रकुल स्पर्धा 2022 (Birmingham Commonwealth Games 2022) आजपासून सुरू होत आहे. आज राष्ट्रकुल स्पर्धा व्हिलेज बर्मिंगहममध्ये उद्घाटन सोहळ्यापूर्वी (Commonwealth Games 2022 Opening Ceremony) भारताचा तिरंगा (India Flag Hoisting) फडकवण्यात आला. यावेळी भारताचे काही खेळाडू देखील उपस्थित होते. यात पुरूष आणि महिला हॉकी संघातील सदस्यांचा समावेश होता.

भारतीय ऑलिम्पिक असोसिएशनचे (IOA) प्रभारी अध्यक्ष अनिल खन्ना, खजिनदार आनंदेश्वर पांड, अनिल धुपार स्प्रर्धा मिशनचे अधिकारी आणि भारतीय ऑलिम्पिक असोसिएशनचे पदाधिकारी यांच्या उपस्थितीत हा सोहळा पार पडला. हा सोहळा संगीत आणि नृत्याच्या कार्यक्रमामुळे अधिकच रंगतदार झाला.

बर्मिंगहम राष्ट्रकुल स्पर्धा 2022 ला आजपासून सुरूवात झाली. या स्पर्धेत भारताचा 215 खेळाडूंचा संघ सामिल होणार आहे. यात 19 खेळांचे 141 क्रीडा प्रकारात भारतीय खेळाडू सहभाग नोंदवणार आहेत.