Commonwealth Games 2022 : भारतीय मिश्र दुहेरी संघाने टेबल टेनिसमध्ये सुवर्णपदक पटकावले. टेबल टेनिसमध्ये भारताने आणखी एक सुवर्ण जिंकले आहे. मिश्र दुहेरीत भारताच्या अचंथा शरथ कमल आणि श्रीजा अकुला यांनी चुंग जावेन आणि लिन करेन या मलेशियाच्या जोडीचा 11-4, 9-11, 11-5, 11-6 असा पराभव करत सामना 4-1 असा जिंकला. म्हणजेच भारतीय जोडीने चार गेम जिंकले, तर मलेशियाच्या जोडीने एक गेम जिंकला.

टेबल टेनिस संघातील सर्वात अनुभवी खेळाडू असलेल्या शरथ कमलने आतापर्यंत 5 सुवर्ण, दोन रौप्य व 3 कांस्य अशी एकूण 10 पदके पटकावले आहे. 2006 मध्ये त्याने पुरुष एकेरीत व पुरुष सांघिक गटाचे सुवर्ण जिंकले. 2010 मध्ये पुरुष दुहेरीत सुवर्ण, 2018 व 2022 मध्ये पुरूष सांघिक गटाचे सुवर्ण त्याच्या नावावर आहे. 2018 मध्ये पुरुष एकेरी व मिश्र दुहेरीत कांस्य जिंकले आहे.

भारताच्या युवा टेबल टेनिसपटू श्रीजा अकुलाला चिवट खेळीनंतर कांस्यपदकाच्या लढतीत हार मानावी लागली. श्रीजाला महिला एकेरीच्या कांस्यपदकाच्या सामन्यात ऑस्ट्रेलियाच्या यांगजी लियूकडून 11-3, 6-11, 2-11, 11-7, 13-15, 11-9, 7-11 असा पराभव पत्करावा लागला. अचंथा शरथ पुरुष एकेरीच्या उपांत्य फेरीत इंग्लंडच्या पॉल ड्रिंकहॉलवर 11-8,11-8, 8-11, 11-7, 9-11, 11-8 असा विजय मिळवला.