Copa America 2024 Luis Suarez : २०१४ च्या फिफा वर्ल्ड कप स्पर्धेत इटालियन डिफेन्डर जॉर्जिओ चिएलिनी याचा चावा घेल्यानंतर लुईस सुआरेझवर ४ महिन्यांची बंदी घातली गेली होती. प्रचंड प्रतिभा असलेला हा खेळाडू त्याच्या या एका कृत्यामुळे बॅड बॉय लिस्टमध्ये गेला. या प्रकारानंतर सुआरेझ सुधरला आहे असे वाटत असताना आज पहाटे झालेल्या पुन्हा सुआरेझ चर्चेत आला.
१० खेळाडूंसह खेळणाऱ्या कोलंबिया संघाने कोपा अमेरिका स्पर्धा २०२४ च्या उपांत्य फेरीच्या सामन्यात उरुग्वेचा पराभव केला आणि त्यानंतर सुआरेझने कोलंबियन खेळाडूचा चावा घेण्याचा प्रयत्न करत असल्याचा व्हिडीओ सोशल मीडियावर व्हायरल झाला आहे.
सामना संपल्यानंतर जेव्हा दोन्ही संघाचे खेळाडू एकमेकांना हस्तांदोलन करत असताना कर्णधार सुआरेझ कोलंबियन खेळाडूच्या जवळ केला अन् त्याच्या मानेजवळ चावण्यासाठी गेल्याचे दिसतेय. त्यानंतर कोलंबियन खेळाडूने त्याला लगेच ढकलले आणि इतर खेळाडू सुआरेझच्या अंगावर धावून गेले. सुरक्षारक्षकांनी वेळीच परिस्थिती हाताळली.
२३ वर्षानंतर कोलंबिया फायनलमध्ये
कोलंबियाने १-० अशा फरकाने उरुग्वेला नमवून २३ वर्षानंतर कोपा अमेरिकेच्या अंतिम फेरीत प्रवेश केला. ३९व्या मिनिटाला जेफेर्सन लेर्माने केलेला गोल निर्णायक ठरला आणि फायनलमध्ये कोलंबियाचा सामना लिओनेल मेस्सीच्या अर्जेंटिना संघाशी होणार आहे.
बॅड बॉय सुआरेझ...
२०१४च्या घटनेपूर्वी २०१० मध्ये सुआरेझ अजाक्स क्लबकडून खेळताना पीएसव्ही इनडोव्हेनच्या ओत्मन बक्कलला चावला होता आणि त्यासाठी त्याच्यावर ७ सामन्यांची बंदी घातली गेली होती. त्यानंतर २०१३ मध्ये लिव्हरपूलकडून खेळताना चेल्सीच्या ब्रॅनिस्लोव्ह इव्हानोव्हिचच्या हातावर चावला. त्यासाठी त्याला १० सामन्यांची बंदीची शिक्षा भोगावी लागली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.