नवी दिल्ली : भारताच्या एकदिवसीय संघात सध्या सलामीचा फलंदाज म्हणून शुभमन गिलला अधिक पसंती दिली जात आहे. यामुळे अनुभवी शिखर धवन मात्र मागे पडला आहे. मागील डिसेंबर महिन्यापासून त्याने एकदिवसीय सामना खेळलेला नाही.
याच पार्श्वभूमीवर शिखर धवन म्हणाला, शुभमन गिल गेल्या काही दिवसांमध्ये कसोटी व टी-२० अशा दोन्ही प्रकारात छान फलंदाजी करीत आहे. या कालावधीत तो अधिक आंतरराष्ट्रीय सामनेही खेळला आहे. मला जास्त खेळता आलेले नाही. त्यामुळे निवड समिती सदस्य असतो, तर नक्कीच शिखरऐवजी गिललाच प्राधान्य दिले असते, असे तो पुढे स्पष्ट सांगतो.
रोहित शर्माची कर्णधारपदी नियुक्ती झाली. तसेच प्रशिक्षकपदी राहुल द्रविड आले. तेव्हा दोघांनी मला सपोर्ट केला. त्यांनी क्रिकेटवर लक्ष देण्यास सांगितले. त्यामुळे मी २०२३मधील विश्वकरंडक डोळ्यांसमोर ठेवला; पण एखाद-दुसऱ्या मालिकेत माझ्याकडून धावा झाल्या नाहीत; अन् युवा खेळाडूंसाठी दरवाजे उघडे झाले. त्यांनी या संधीचे सोने केले. इशान किशन यानेही द्विशतक झळकावले. त्याचप्रसंगी वाटले की, आता मी संघाबाहेर होईन, असे धवन म्हणाला.
वर्षभराची कामगिरी मागे राहते
एखादा खेळाडू वर्षभर चांगला खेळ करतो; पण एखाद्या मालिकेत त्याच्याकडून छान कामगिरी झाली नाही, तर केव्हा केव्हा वर्षभराची कामगिरी मागे राहते. फक्त अपयशाची मालिका बघितली जाते. हे फक्त माझ्यासोबत घडलेले नाही. इतर खेळाडूंसोबतही अशा घटना घडलेल्या आहेत, अशी नाराजीही धवनने व्यक्त केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.