Hardik Pandya T20 World Cup 2024 : भारताचा अष्टपैलू खेळाडू हार्दिक पांड्या सध्या टी 20 वर्ल्डकप खेळण्यासाठी युएसएमध्ये दाखल झाला आहे. बांगलादेशविरूद्धच्या सराव सामन्यात हार्दिक पांड्याने गोलंदाजी आणि फलंदाजीत देखील चांगली कामगिरी केली. आयपीएलमध्ये त्याला लैकिकास साजेसा खेळ करता आला नव्हता. मात्र टीम इंडियाची जर्सी घालताच त्याच्या कामगिरीत सुधारणा झाली आहे.

हार्दिक पांड्याचे वेस्ट इंडीज कनेक्शन सर्वांना माहिती आहे. तो कायम कायरन पोलार्ड हा आपला मोठा भाऊ आहे. ब्रदर फ्रॉम अनादर मदर असं तो म्हणत असतो. यंदाच्या वर्ल्डकपमध्ये स्टार स्पोर्ट्सने एक मोठी चूक केली. त्यांनी हार्दिक पांड्याला वेस्ट इंडीजचा प्लेअर करून टाकलं. त्यांनी रोस्टन चेसच्या जागी हार्दिक पांड्याचा फोटो लावला.

ग्रुप सीच्या सामन्यात वेस्ट इंडीजने पापुआ न्यू जिनियाचा पराभव केला. या सामन्यात रोस्टन चेसने नाबाद 42 धावा केल्या. मात्र सामन्याच्या प्रक्षेपणावेळी रोस्टन चेसच्या ऐवजी स्टार स्पोर्ट्सने हार्दिक पांड्याचा फोटो लावला होता. त्यानंतर सोशल मीडियावर या चुकीवर अनेक मीम्स व्हायरल होत होते.

अनेक चाहत्यांनी हार्दिक पांड्या हा वेस्ट इंडीजमधल्या लोकांसारखाच दिसतो अन् त्यांच्यासारखीच त्याची लाईफ स्टाईल असल्याचं सांगितलं.