IND vs NZ, T20 World Cup : भारतासाठी करो या मरो सारख्या असणाऱ्या सामन्यात फलंदाजांनी अतिशय सुमार कामगिरी केली. सारे बडे खेळाडू केवळ कागदावरच हिरो ठरले. मैदानात मात्र भारताला कोणताही फलंदाज मोठी खेळी उभारू शकला नाही. रोहित शर्मा, विराट कोहली, लोकेश राहुल, इशान किशन, ऋषभ पंत हे सर्व फलंदाज स्वस्तात बाद झाले. हार्दिक पांड्या आणि रविंद्र जाडेजा या अष्टपैलू खेळाडूंनी थोडीशी झुंज दिल्याने भारताची अब्रू राखली गेली आणि संघाने कशीबशी शंभरी ओलांडली. न्यूझीलंडच्या भेदक माऱ्यापुढे टीम इंडियाला २० षटकात केवळ ११० धावांच करता आल्या. त्यानंतर संघाचा कर्णधार विराट कोहली प्रचंड ट्रोल झाला.
सामन्याच्या मध्ये सुरू असणाऱ्या जाहिरातींमध्ये विराट अनेकदा दिसला. त्यावरून काहींना त्याच्यावर राग व्यक्त केला. जाहिरातींपेक्षा खेळावर लक्ष केंद्रीत करण्याचा सल्ला त्याला अनेकांनी दिला. त्याशिवाय, दिवाळीत फटाके वाजवू नका असं विराटने सल्ला दिला होता. त्यामुळे, भारतीयांनी फटाके वाजवू नये म्हणून तुम्ही सामने हारताय का असा सवालही काहींनी विचारला. पाहा त्यातील काही निवडक ट्वीट्स...
दरम्यान, आज इशान किशनला सूर्यकुमार यादवच्या जागी संघात स्थान देण्यात आले. त्यामुळे तो लोकेश राहुलसोबत सलामीला उतरला. पण त्याचा फारसा फायदा झाला नाही. इशान किशन ४ धावांवर बाद झाला. त्यानंतर रोहित शर्मा १४, लोकेश राहुल १८, विराट कोहली ९, ऋषभ पंत १२ असे सारे फलंदाज स्वस्तात बाद झाले. अष्टपैलू खेळाडू हार्दिक पांड्या आणि रविंद्र जाडेजा या दोघांनी काही काळ झुंज दिली. पांड्या २३ धावा काढून माघारी परतला. त्यानंतर जाडेजाने शेवटपर्यंत पिच सांभाळत नाबाद २६ धावा केल्या. हीच भारताच्या डावातील सर्वोत्तम खेळी ठरली. ट्रेंट बोल्टने ३, इशा सोढीने २ तर मिल्न आणि साऊदीने १-१ बळी टिपला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.