India's Predicted Playing XI: टी20 वर्ल्ड कप 2024 स्पर्धेला सुरुवात झाली असून भारताला पहिला सामना आयर्लंड विरुद्ध खेळायचा आहे. हा सामना बुधवारी (5 जून) न्युयॉर्कमधील नसाऊ काऊंटी आंतरराष्ट्रीय क्रिकेट स्टेडियमवर होणार आहे. हा सामना भारतीय प्रमाणवेळेनुसार रात्री 8 वाजता खेळवला जाणार आहे.
या सामन्यासाठी भारताचे प्लेइंग इलेव्हनमधील संयोजन कसे असणार याबाबत बरीच चर्चा झाली आहे. दरम्यान, सर्वात जास्त चर्चा ही सलामीला कोण फलंदाजी करणार यावर झाली आहे. सध्या यासाठी कर्णधार रोहित शर्मा, विराट कोहली आणि यशस्वी जैस्वाल यांचा पर्याय आहे.
दरम्यान, भारतीय संघव्यवस्थापन रोहितसह विराटला सलामीला संधी देण्याची शक्यता आहे. विराट सराव सामन्यात खेळला नसला तरी आयपीएल 2024 मधील सर्वाधिक धावा करणारा खेळाडू आहे. त्याने 700 हून अधिक धावा केल्या होत्या. तसेच त्याने आयपीएलला सलामीला फलंदाजी देखील केली आहे.
तसेच जर रोहित आणि विराट हे दोन्ही उजव्या हाताने फलंदाजी करणारे खेळाडू असले तरी नंतर ऋषभ पंत, शिवम दुबे आणि रविंद्र जडेजा हे डावखुरे फलंदाज संघात असू शकतात.
त्यामुळे सध्या तरी प्लेइंग इलेव्हनमध्ये यशस्वी जैस्वालला संधी दिली जाण्याची शक्यता कमी आहे. जैस्वालऐवजी संजू सॅमसनला फलंदाज म्हणून आधी प्राधान्य दिले जाऊ शकते, तो देखील गेल्या काही महिन्यांत चांगल्या फॉर्ममध्ये खेळत होता.
तसेच मधल्या फळीत सॅमसनसह सूर्यकुमार यादव आणि ऋषभ पंत यांनाही संधी मिळू शकते. पंत यष्टीरक्षणही करू शकतो. त्याचबरोबर शिवम दुबेने बांगलादेशविरुद्धच्या सराव सामन्यात फलंदाजीत चमक दाखवली नसली, तरी त्याने गोलंदाजीत प्रभावी कामगिरी केली होती. त्यामुळे त्यालाही प्लेइंग इलेव्हनमध्ये संधी मिळू शकते.
तसेच उपकर्णधार आणि अष्टपैलू हार्दिक पांड्याही संघात असेल, तर रविंद्र जडेजाही प्लेइंग इलेव्हनमध्ये असू शकतो. दरम्यान शिवम आणि हार्दिक हे दोघेही वेगवान गोलंदाजीही करू शकत असल्याने भारताला जडेजासह आणखी एका फिरकीपटूला खेळण्याची संधी मिळू शकते.
फिरकीपटू म्हणून युजवेंद्र चहलआधी कुलदीप यादवला प्राधान्य मिळण्याची शक्यता आहे. तसेच प्रमुख वेगवान गोलंदाज जसप्रीत बुमराहसह अर्शदीप सिंगला प्राधान्य मिळण्याची शक्यता आहे. तो डावखुरा गोलंदाज असून त्याची सराव सामन्यातही चांगली कामगिरी झाली होती. असे झाल्यास मोहम्मद सिराजला बाहेर बसावे लागू शकते.
आयर्लंडविरुद्धच्या सामन्यासाठी भारताची प्लेइंग-11
रोहित शर्मा (कर्णधार), विराट कोहली, संजू सॅमसन, सूर्यकुमार यादव, ऋषभ पंत, शिवम दुबे, हार्दिक पांड्या, रविंद्र जडेजा, मोहम्मद सिराज/अर्शदीप, जसप्रीत बुमराह, कुलदीप यादव
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.