Rashid Khan Throw Bat Video : राशिद खान हा कायम हसत असतो. कितीही विपरित परिस्थिती असो राशिदच्या चेहऱ्यावरील कायम हास्य असतं. मात्र टी 20 वर्ल्डकप 2024 च्या सुपर 8 मधील बांगलादेशविरूद्धच्या सामन्यात अफगाणिस्तानचा कर्णधार जाम भडकला होता. तो इतका चिडला की त्यानं आपला सहकारी करीम जनतच्या दिशेने बॅट फेकली.

हा प्रकार अफगाणिस्तानच्या बॅटिंगवेळी 20 व्या षटकात घडली. अफगाणिस्तानच्या संघाची अवस्था 5 बाद 107 धावा झाली होती. कर्णधार राशिद खान क्रिजवर उपस्थित होता. अफगाणिस्तानच्या धावा तशा कमी झाल्या होत्या. बांगलादेशचा गोलंदाज तंजीम हसन साकिब शेवटचे षटक टाकत होता.

करीम जनतने सिंगल करून राशिद खानला स्ट्राईक दिलं होतं राशिद खानने दुसऱ्या चेंडूवर षटकार मारला. तिसऱ्या चेंडूवर त्याने दोन चोरट्या धावा घेण्याचा प्रयत्न केला.

मात्र करीमनं सिंगलनंतर कर्णधार राशिदला दुसऱ्या धावेसाठी नकार दिला. दुसऱ्या धावेसाठी मध्यापर्यंत आलेला राशिद यामुळं चिडला अन् त्यानं करीमच्या दिशेनं बॅट फेकली.

दुसऱ्या एका व्हिडिओत अफगाणिस्तानचे दोन फलंदाजी एकाच दिशेने धावताना दिसले. एक फलंदाज घसरून पडला. स्थिती अशी होती की दोन्ही फलंदाज एकाच क्रिजमध्ये पोहचले होते. तरी देखील बांगलादेशला एकाही फलंदाजाला रन आऊट करता आले नाही. गोंधळ झाला मात्र अफगाणिस्तानचे दोन्ही फलंदाज सुरक्षित आपापल्या क्रिजमध्ये पोहचले.