T2O World Cup 2024 New York Rain : भारतीय संघाचा कर्णधार रोहित शर्मा आणि मुख्य प्रशिक्षक राहुल द्रविड यांची न्यूयॉर्कच्या वादळी पावसामुळे चांगलीच तारांबळ उडाली. भारतीय संघ सध्या टी 20 वर्ल्डकप 2024 खेळण्यासाठी युएसएमध्ये दाखल झाला आहे. न्यूयॉर्कमध्ये भारतीय संघ 1 जून रोजी आपला एकमेव सराव सामना खेळणार आहे. हा सराव सामना बांगलादेश सोबत होणार आहे. (Rohit Sharma Rahul Dravid Video)

भारतीय संघ आधीच न्यूयॉर्कमध्ये दाखल झाला आहे. त्यांनी आपला सराव देखील सुरू आहे. सराव झाल्यानंतर रोहित शर्मा आणि राहुल द्रविड यांनी न्यूयॉर्कमध्ये थोडा फेरफटका मारण्याचा प्रयत्न केला. मात्र पावसामुळे त्यांचे सर्व नियोजन कोलमडलं, एका चाहत्यांने पावसामुळे राहुल अन् रोहितची न्यूयॉर्कमध्ये कशी तारांबळ उडाली याचा व्हिडिओ सोशल मीडियावर शेअर केला.

कर्णधार रोहित शर्मा पावसाचा मारा चुकवण्यासाठी रेस्टराँमधून धावत गाडीकडे जाताना दिसला. त्यानंतर राहुल द्रविड देखील गाडीकडे धावत सुटला.

भारतीय संघ टी 20 वर्ल्डकपमधील आपली मोहीम ही 5 जूनला सुरू करणार आहे. भारतीय संघ आपला पहिला सामना हा आयर्लंडविरूद्ध न्यूयॉर्कमध्ये खेळणार आहे. रोहितच्या नेतृत्वाखालील भारतीय संघ A ग्रुपमध्ये असून या ग्रुपमध्ये कट्टर प्रतिस्पर्धी पाकिस्तानसह कॅनडा, आयर्लंड आणि यजमान युएसएचा संघ आहे.

भारतीय संघ 1 जूनला आपला पहिला आणि एकमेव सराव सामना खेळणार आहे. हा सराव सामना बांगलादेशसोबत होणार असून याच सामन्यात रोहित आपलं टीम कॉम्बिनेशन कसं ठेवतो याची झलक दिसेल. सलामीला विराट कोहली येणार की यशस्वी अन् रोहितच सलामी देणार हे देखील याच सामन्यात स्पष्ट होण्याची शक्यता आहे.

(Cricket Marathi News)