PV Sindhu receives Padma Bhushan award: भारतासाठी दोन वेळा ऑलिम्पिक पदक जिंकणारी स्टार बॅडमिंटनपटू पी व्ही सिंधू हिचा आज सन्मान करण्यात आला. भारताचे राष्ट्रपती रामनाथ कोविंद यांच्या हस्ते तिला पद्मभूषण पुरस्कार प्रदान करण्यात आला. सोमवारी दिल्लीत हा सोहळा पार पडला.

"हा माझ्यासाठी एक अभिमानाच क्षण आहे. मी भारत सरकारचे आभार मानते. अशा प्रकारच्या पुरस्कारांमुळे खेळाडूंना प्रोत्साहन मिळते. तसेच, भारतीयांनी पाठ थोपटल्याने आणखी चांगली कामगिरी करण्याची उर्मी मिळते. मी आता आगामी स्पर्धांमध्ये जास्त चांगल्या प्रकारे खेळायचा प्रयत्न करेन", अशा भावना पीव्ही सिंधू हिने व्यक्त केल्या.