T20 World Cup 2021, Australia vs South Africa : टी-20 वर्ल्ड कप स्पर्धेतील सलामीच्या लढतीत दक्षिण आफ्रिकेच्या आघाडीच्या फलंदाजांचा फ्लॉप शो पाहायला मिळाला. दुसऱ्या षटकात कर्णधार टेम्बा बवुमा माघारी फिरल्यानंतर संघाला क्विंटन डी कॉकडून दमदार खेळीची अपेक्षा होती. पण तो नावाला साजेसा खेळ करण्यात अपयशी ठरला. हेजलवूडच्या गोलंदाजीवर उलटी-सुलटी फटकेबाजी करण्याच्या नादात त्याने आपली विकेट फेकली. दक्षिण आफ्रिका संघाने अवघ्या 16 धावांवर दोन विकेट गमावल्या होत्या. संघ अडचणीत असताना अनुभवी क्विंटन डी कॉकवर संघाचा डाव सावरण्याची जबाबदारी होती.

दक्षिण आफ्रिकेच्या डावातील पाचव्या षटकात क्विंटन डी कॉकने उलटा-सुटला फटका मारण्याचा प्रयत्न केला. जोश हेजलवूडच्या पहिल्यांच चेंडूवर त्याने ऑफ स्टंपच्या बाहेर जाऊन पॅडल स्विप मारण्याचा प्रयत्न केला. त्याचा हा प्रयत्न फसला. चेंडू बॅटला लावण्यात त्याला यश मिळाले. पण त्याला चेंडू ज्या दिशेला मारायचा होता त्यात तो अपयशी ठरला. चेंडू बॅटची कड घेऊन क्रिजमध्येच हवेत उडाला. आणि चेंडू स्टंपवर जाऊन आदळला. स्वत:ne वाचवण्याचा साधा प्रयत्नही क्विंटन डी कॉकने केला नाही. तो क्रिजबाहेर उभा राहून चेंडू स्टंपच्या दिशेने जाताना पाहतच राहिला.