टी-20 वर्ल्ड कप स्पर्धेतील पाकिस्तान विरुद्धच्या सलामीच्या लढतीत टीम इंडियाची सुरुवात खराब झाली. पहिल्याच षटकातील चौथ्या चेंडूवर रोहित शर्माच्या रुपात टीम इंडियाला मोठा धक्का बसला. शाहिन आफ्रिदीनं अप्रतिम यॉर्कर चेंडूवर रोहितला पायिचत केले. त्याला खातेही उघडता आले नाही. पाकिस्तानचा कर्णधार बाबर आझमने टॉस जिंकून पहिल्यांदा गोलंदाजी करण्याचा निर्णय घेतला होता. शाहिन आफ्रिदीनं त्याचा हा निर्णय सार्थ ठरवत सलामी जोडीला माघारी धाडले.
रोहित शर्मा (Rohit Sharma) आणि केएल राहुल (KL Rahul) भारतीय संघाला दमदार सुरुवात करुन देतील, अशी आशा होती. पण सलामीची जोडी फ्लॉप ठरली. सराव सामन्यात इंग्लंडविरुद्ध अर्धशतकी खेळी करणाऱ्या रोहितला शाहीन आफ्रीदीने पहिल्याच षटकातील चौथ्या चेंडूवर चालते केले. लोकेश राहुलला बाद करत शाहीन आफ्रिदीने टीम इंडियाचे टेन्शन वाढवले.
टी-20 वर्ल्ड कप स्पर्धेत शाहीन आफ्रिदी भारतीय संघाची डोकेदुखी वाढवू शकतो, असे यापूर्वीही बोलले जात होते. शाहीनने तेच करुन दाखवले. दमदार गोलंदाजी करुन टीम इंडियाला बॅकफूटवर टाकले. अर्धशतकी खेळी करून टीम इंडियाचा डाव सावरणाऱ्या किंग कोहलीची विकेटही त्यानेच घेतली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.