T20 World Cup 2024 Group B Points Table : आयसीसी टी-20 वर्ल्ड कप 2024 च्या 17 व्या सामन्यात ‘ब’ गटात ऑस्ट्रेलियाने इंग्लंडचा 36 धावांनी पराभव केला आणि दुसरा विजय नोंदवला. प्रथम खेळताना ऑस्ट्रेलियन संघाने 20 षटकांत 201/7 धावा केल्या, प्रत्युत्तरात इंग्लंड संघ संपूर्ण षटके खेळून 165/6 धावाच करू शकला. या सामन्यानंतर ‘ब’ गटाचे गणित मनोरंजक झाले आहे.

आज ‘ब’ गटात स्कॉटलंडचा सामना ओमान संघाविरुद्ध होत आहे. या सामन्यात विजय मिळवून स्कॉटलंडला एकूण ५ गुणांसह आपले पहिले स्थान कायम ठेवण्याची संधी आहे.

अँटिग्वाच्या सर विवियन रिचर्डस् मैदानावर होणारा हा पहिला सामना असेल. स्कॉटलंडचा इंग्लंडविरुद्धचा सामना पावसामुळे वाया गेला. त्यामुळे त्यांना एक गुण मिळाला. त्या अगोदर त्यांनी नामिबियाला हरवून दोन गुणांची कमाई केली होती. त्यामुळे आता त्यांच्या खात्यात ३ गुण आहेत. आजचा सामना जिंकला तर ५ गुण होतील. या गटात इंग्लंडसह ऑस्ट्रेलियाचाही समावेश आहे. प्रत्येक गटातून पहिले दोन संघ सुपर-८ साठी पात्र ठरणार आहेत.

स्कॉटलंडचा कर्णधार रिची बेरिंग्टॉन फॉर्मात आहे. त्याने नामिबियाविरुद्ध नाबाद शतकी खेळी केली होती. त्याच्यासह जॉर्ज मुनसी आणि मिचेल जॉन व ब्रँडन मॅकमलन यांच्याकडून चांगल्या धावा अपेक्षित आहे.

ओमनला पहिल्या दोन्ही सामन्यांत पराभवाचा सामना करावा लागलेला आहे. त्यामुळे उद्याच्या सामन्यात त्यांना प्रथम मानसिकता उंचावावी लागणार आहे.

या विजयासह ऑस्ट्रेलिया 2 सामन्यांत 4 गुणांसह ब गटात पहिल्या स्थानावर पोहोचला आहे. त्याचवेळी, इंग्लंड 2 सामन्यांत 1 गुणांसह चौथ्या स्थानावर आहे, तर स्कॉटलंड 2 सामन्यांत 3 गुणांसह दुसऱ्या स्थानावर आहे आणि नामिबिया 2 सामन्यांत 2 गुणांसह तिसऱ्या स्थानावर आहे.