कोल्हापूर : कोल्हापूर जिल्हा क्रिकेट असोसिएशनची महिला खेळाडू अनुजा पाटीलची (Anuja Patil)महाराष्ट्र वरिष्ठ महिला संघाच्या कर्णधारपदी सलग तिसऱ्या वर्षी निवड झाली, तर शिवाली शिंदे (Shiwali Shinde) व आदिती गायकवाड (Aadidti Gaikwad)यांची महाराष्ट्र महिला वरिष्ठ क्रिकेट संघात निवड झाली. ही स्पर्धा रविवारी (ता.३१) ते ६ नोव्हेबर दरम्यान डेहराडून येथे होणार आहे. स्पर्धेत महाराष्ट्राचा एलिट अ गटात समावेश असून यामध्ये महाराष्ट्रासह त्रिपुरा, झारखंड, आसाम, दिल्ली व केरळ हे संघ सहभागी आहेत.

अनुजा पाटीलची यापूर्वी भारतीय टी २०, एशिया कप व चॅलेंजर ट्राँफी स्पर्धेसाठी भारतीय संघात, तसेच महाराष्ट्र १९ वर्षांखालील संघात सलग ४ वर्षे व त्या मधील २ वर्षे कर्णधार, महाराष्ट्र खुला गट महिला संघात सलग ६ वर्षे व त्यामध्ये २ वर्षे कर्णधारपदी निवड झाली होती. शिवाली शिंदेची बेंगलोर येथील १९ वर्षांखालील नॅशनल क्रिकेट अॅकॅडमीमध्ये, सलग ४ वर्षे १९ वर्षांखालील महाराष्ट्र महिला संघातून खेळली आहे. ताईत १ वर्षे संघाची कर्णधार होती. यासोबतच आँल इंडिया इंटर झोनल, खुल्या पश्चिम विभागीय (भारतीय) महिला क्रिकेट संघात उपकर्णधारपदी, पश्चिम विभागीय २३ वर्षांखालील संघात निवड. तसेच सलग चार वर्षे खुला गट महाराष्ट्र व पश्चिम विभाग महिला संघातून खेळत आहे.

भारतीय महिला टी २० चँलेंजर करंडक क्रिकेट स्पर्धेसाठी निवड झाली होती. आदिती गायकवाड ही महाराष्ट्र १९ वर्षांखालील संघात सलग पाच वर्षे खेळली आहे. तसेच बीसीसीआयच्या पश्चिम विभागीय १९ वर्षांखालील संघातदेखील निवड झाली होती. बीसीसीआयमार्फत घेणेत येणाऱ्या २३ वर्षांखालील महिला टी २० स्पर्धेसाठी निवड झाली होती.