MS Dhoni-Manoj Tiwari Relation: भारताचा माजी कर्णधार एमएस धोनी लोकप्रिय खेळाडू आहे. दरम्यान, धोनी लोकप्रिय खेळाडू असला, तरी तो त्याचा वैयक्तिक आयुष्य खाजगी ठेवण्याकडे कल असतो, त्यामुळे त्याच्या वैयक्तिक आयुष्याबद्दल जाणून घेण्याबद्दल चाहत्यांना उत्सुकता असते.

असे असतानाच आता एक व्हिडिओ समोर आला आहे, ज्यात खासदार मनोज तिवारी यांनी खुलासा केला आहे की त्यांना धोनी जीजा (दाजी) का म्हणतो. या व्हिडिओमध्ये की मनोज तिवारी यांना विचारले की धोनी त्यांना जीजा म्हणतो का?

त्यावर त्यांनी सांगितले की 'मी त्याचा सख्खा मेहुणा नाही, पण त्या गोष्टीत थोडे सत्य आहे. माझा जो मेहुणा होता अरुण पांडे त्याचा धोनी चांगला मित्र आहे. त्यामुळे अरुण मला जीजा म्हणत असल्याने दिल्लीत आम्ही एकत्र वैगरे होतो आणि अरुण मित्र असल्याने धोनीही मला जीजा म्हणायचा.'

लक्षात घेण्यासारखी गोष्ट अशी की अरुण पांडेची बहिण प्रतिमा पांडे यांनी मनोज तिवारी यांच्याशी १९९९ मध्ये लग्न केले होते. लग्नानंतर त्यांनी नाव बदलून राणी तिवारी केले. त्यानंतर राणी आणि मनोज यांना एक मुलगीही झाली.

पण मिडिया रिपोर्ट्सनुसार बीग बॉस या रिऍलिटी शो मध्ये मनोज तिवारी सहभागी झाल्यानंतर त्यांच्याबद्दल श्वेता तिवारीबरोबरील अफेअरच्या चर्चा झाल्या होत्या. त्या कारणाने नाराज होत राणी तिवारी यांनी मनोज तिवारी यांच्याशी घटस्फोट घेतला. 2012 साली त्यांचा घटस्फोट झाला.

यानंतर 2020 मध्ये मनोज तिवारी यांनी सुरभी तिवारीशी लग्न केले. सुरभी आणि त्यांना एक मुलगा आणि एक मुलगी आहे.