Dinesh Karthik Announce Retirement : भारताचा अनुभवी यष्टिरक्षक-फलंदाज दिनेश कार्तिकने आज क्रिकेटच्या सर्व फॉरमॅटमधून निवृत्ती जाहीर केली. तमिळनाडूच्या फलंदाजाने सोशल मीडिया प्लॅटफॉर्म इन्स्टाग्रामवर एक भावनिक पोस्ट लिहित निवृत्तीची घोषणा केली त्याने त्याच्या संपूर्ण कारकिर्दीत त्याला पाठिंबा दिल्याबद्दल त्याचे कुटुंब आणि चाहत्यांचे आभार मानले.

दिनेश कार्तिकने आयपीएलमध्ये आपली चांगली छाप सोडली. दिनेश कार्तिकने आयपीएलच्या पहिल्या हंगामापासून खेळतोय. त्याने 257 सामने खेळले आहेत. तो आयपीएलमध्ये सर्वाधिक सामने खेळणाऱ्यांच्या यादीत रोहित शर्मासोबत संयुक्तरित्या दुसऱ्या स्थानावर आहे. या दोघांच्या वरती फक्त महेंद्रसिंह धोनीचे नाव आहे. त्याने आयपीएलमध्ये 264 सामने खेळले आहेत.

दिनेश कार्तिकने 26 कसोटी सामन्यात 1025 धावा केल्या आहेत. 94 सामन्यात 1752 धावा केल्या आहेत. तर एकूण मिळून 401 टी 20 क्रिकेटमध्ये दिनेश कार्तिकने 7407 धावा केल्या आहेत.